US Nih North Korea Hi Phomh A Timh Cang Rua Hih

US nih North Korea hi kah ding in a timh ve cang. North Korea hruaitu Kim Jong-un hi Biden nih a zoh sawh kho ti lo. 

North Korea hi nai hrawng ai hrocer ning a tha chin lengmang cang. Kan hnu ah South Korea cu Nuclear in ka phomh colh lai tiah Kim Jong-un farnu nih a chim. 

Nai hrawng North Korea nih hriamnam zong a van hneksek a tam ko. US le South Korea a ngiar ning hna a fak ngai cang. South Korea he zong an va buai pah cang. 

US nih a tu hi South Korea North Korea ramri pawng a simi South Korea ramri ah raltuknak Vanlong a phurtu Tilong lian taktak a chiah cang. US ralkap zong tampi a chiah hna. 

Russia nih Ukraine a kah bantuk in US nihhin North Korea hi a kah men lai tiah zumh a si cang. A ruang cu North Korea hi South Korea caah tih nung a si pinah US ca zong ah tih nung a si. 

Russia ralkap an sungh tuk lio le Russia ralkap an cawl khawh lo lio te ahhin US nih North Korea hi phomh tim sehlaw a dawh ko. US nih North Korea a phomh ahcun a lak colh ding mi khi a si ko. South Korea he an i bawm lai i fak taktak in an phomh ding mi khi a si. 

North Korea nih Nuclear hriamnam tha mi a ngeih ahcun US le South Korea caah tihnung tuk mi a si cang. Kim Jong-un cu hawi le ai lo fawn lo caah tih a nung khun. Cu ruang ah Nuclear bomb tha mi ai ngeih hlan te ahhin phomh colh ah a tha ko.