Ukraine President: Russia Ralkap Nan Hriamnam Chia Dih Cang Uh

Ukraine President: Russia ralkap vialte nan hriamnam chia dih cang uh. NATO zong a tu nan menber ah kan cohlanv colh uh.

Ukraine President nih Russia palai pawl he ton ding in a kal i Belarus ramri a phak ah mahhi bia hi a chimmi a si. Russia ralkap vialte nan hriamnam chia dih cang ulaw NATO zong nan menber ah kan a tu kan cohlang colh uh tiah media pawl sinah a chim.

Nihin February 28,2022 zanlei ah Russia le Ukraine cu ni 4 chung an i kah hnu ah a ho hmanh an i tei veve lo i bia i ruah ding ah Ukraine le Belarus ramri ah tonnak an ngei hna. A tu kan ca kan tial hi an i ton i bia an i ruah cuahmah a si. Zeitindah a phi an chuah lai theih a si rih lo.

Nihin an i ton cuahmah lio ahcun Russia ralkap le Ukraine ralkap zong hmunkip ah fak piin kahnak a chuak thiam ko. I ton le biaruah lio zong ah ralkap pawl cu an rak i phomh peng ko. America sungthoh pawl nih an chimnak ahcun Russia le Ukraine ton biaruahnak tuah lio ahhin Putin nih Ukraine cu ralkap thazang tampi hmang in kah a timh tiah an chim. Belarus ram Chenchen an ralkap zong Rusdia bawm ding in Ukraine ram lei ah nihin zing ah khan ralkap tam taktak an kal ti a si.

Putin nihhin a thluak chuah in ton biaruahnak tuah pah in fak taktak in phomh hi a timh mi si dawh a si ko. Tutan an i tonnak hi Kawlram can sml 12:00 tiang ah an can a dih rih lo caah zei an lawh timi thawngpang theih khawh a si rih lo. An kar ah an duh mi hi ai dang tuk veve caah i rem that cu a har ko lai tiah an ruah cio ko.