Ukraine President hi ura lo bak a rak tha lo. A ram chung mipi a dawt ning hna le a zohkhenh hna ning hi a mak kho taktak khi a si.
Ukraine President Zelensky cu Russia ralkap pawl nih an mipi hna a bubu in an thahnak hna Kyiv khuapi pawng Bucha ah a va kal. Mahhi hmun ah khan le Kyiv khuapi pawng ah Ukraine mipi 410 bak Russia ralkap nih an rak thah hna.
Russia ralkap nih mipi an thah ning hna hi a rapthlak kho taktak. An kut an tem hna i an thah mi hna an um. An lu ah meithal in an kah hna i an thah mi hna zong an um rih. Mithi ruak cu lamkam le lam cung ah an rak ril lulh ko hna kha Ukraine ralkap nih an hmuh hna.
Russia thil tuah hi a rapthlak tuh cang. Kan ram minung dihlak in cihmih an kan timh tiah Zelensky nihcun a chim cang i Biden zong nih mah bantuk thil tuah cu timh ciamman tein lainawn sualnak a si tiah a ti ve. Russia ralkap thil tuah ruang ah vawlei pi an ar ko cang.
Cu lawng a si lo. Kyiv khuapi pawng in Russi ralkap pawl ramri lei an kir lai ah Kyiv khuapi le pawngkam ah Russia ralkap nih bomb an chiah dih hna. Motor lam cung tiang ah bomb khat ko in an chiah dih hna. Ukraine ram mipi caah Russia ralkap an um ti lonak khua zong a him ti lo. Russia ralkap nih bomb an tarh dih ti a si.
Leave a Reply