Thawngthar: Russia Ralkap 4900, Ukraine Ralkap 2036 An Thi Cang

Thawngpang thar report: Russia le Ukraine i kahnak ah kap hnih ralkap lei in a tgi cang mi dihlak an hun langhter cang. TRT media nih an hun langhter ming kha kan van langhter chinmi a si. TRT medai hi tulio Ukraine le Russia buainak ah a cawlcang ngaimi media a si i Russia ram bunh deuh a si kho.

Ukraine le Russia i kahnak ah ni 4 chu ah kap hnih ralkap a thi cangmi dihlak cu Russia ralkap hi 4300 in an langhter nain 4900 cu an tling cang lai tiah media dang nih an tial. Ukraine ralkap zong 2036 an thi cang ti a si. Mahhi chung ah tlaih mi an i tel rih lo. Russia ralkap nih Ukraine ralkap hi 150 leng an tlaih cang hna i Ukraine ralkap nih Russia ralkap hi 200 leng an tlaih ve cang hna. Anmah Ukraine ralkap lei chimnak ahcun Ukraine ralkap 135 lawng an thi tiah an chim.

Russia ralkap nih Ukraine airport 71 kan hrawh an ti. Cu chung ah raltuknak Vanlong airport 7 ai tel an ti. Bilding inn tampi an hrawh. Van lei ralvennak rader tampi an hrawh piak hna. Internwt line an hrawh piak hna. Cozah zung tampi an hrawh piak hna. Ukraine ralkap nih Russia Vanlong 24, Helicopter 19, Tank 200 leng le Motor 500 leng an hrawh piak ve cang hna.

Russia le Ukraine upa hna cu Belarus le Russia ramri ah Kawlram can in nihin February 28,2022 zanlei sml 7:00 hrawng ah biaruahnak an ngei lai. An biaruahnak zeitindah a phi a chuah lai timi theih a si lo. Sinain mifim thiamsang tampi nihcun san a tlai lai lo, an duh mi ai khat kho lai lo an ti cio.

Russia le Ukraine cu nihin February 28,2022 cun ni 5 chung an i phomh cang lai. Kap hnih ralkap a thimi le hliamtuar an tam ko. Ukraine cu vawlei cung fam thawnhthawng NATO chungtel ram 27, US, Canada, Australia le Japan nih an bawmh hna. Russia cu a ram innpa a simi Belarus lawng nih a bawmh.

Putin nih Ukrianr cu ka kah lai i vawlei cung ramdang an cawl ngam lai lo tiin a ruah nain MATO le US pinah ramdang pawl nih saction fak tuk in an tuah caah a celh ti lo. Hriamnam in Ukraine an bawmh peng fawn caah a tei kho fawn lai lo. Ai chuah sual ning a fak bak. A donghnak khua a ruah mi cu Nuclear kha timh cia in chia uh ti lawmg a si cang.