Putin nih NATO le US cu nan ngamh ahcun Ukraine cu Jet fighter cu pe ulaw nan ram ah tumternak nawl pe uh ca raltuknak ah nan i tel ve tinak a si ko a ti hnu ah US nih Ukraine ram Jet fighter pek dingmi cu an cancel than.
Tuan deuh ah khan US President Biden nih Poland ram kha nangmah nih na ngeih mi Russia ser MiG-29 jet fighter i Ukraine hlan law keimah nih a tha deuh mi F-16 Jet fighter kan pek lai tiah a rak chimh. US le Poland an i ceih dih hnu ah Poland zong a lungtling.
Sinain Russia President nih nan ngamh ahcun Ukraine cu Jet fighter pe ulaw nan ram chung ah tum ter hnik uh ca. Raltuknak ah nan i tel ve a si ko tiah a hun hro hnu hna in US nihcun a ngol than. A ruang cu Russia le NATO kar ah raltuknak a chuak sual lai ti an phan caah khan a si.
NATO le US nihhin Russia hi cu an rak ngamh deuh lo. A ruang cu Nuclear hriamnam tam bik ai ngeih mi ram a si caah vutcam ah kan cang dih lai ti an phang. Kan i kah taktak ahcun a fak tuk lai caah Nuclear ral a tho sual lai ti kha an phan ruang ah Russia he i kah ding cu an hrial peng nak a si.
Putin nihhin US le NATO nih an kan tih ti ai theih ruang ah a lor chin lengmang. Ukraine hi ka kah lai hi ho hmanh an chuak ngam bal lai lo ti a rak ruah cia bantuk tein a kah taktak tikah ho hmamh an chuak ngam taktak lo. Ukraine ralkap sinah hriamnam va bawmh le Russia kha saction tuah lawng kha an tuah khawh ciomi a si.
Tutan ah Russia nih Ukarine a kah i NATO le US zei hmanh an i tlak lo caah vawlei cung ram hme tete hi cu Russia nih a kan lak dih te ko lai. Russia nih a ram le a vawlei hi kauh chin lengmang lai i a donghnak ahcun US le NATO ram zong kha cawl ngam loin a tuah te hna lai.
Leave a Reply