Russia ralkap 5300 an thi cang. Russia le Ukraine kar ah ni 5 chung i kahnak ah Russia ralkap 5300 an nunnak a liam cang i Ukraine ralkap in minung 130 fai lawng an nunnak a liam.
Russia nih a mah tein a um komi Ukraine cu a va luh hnawh i a kah ruang ah Russia ralkap cu a tomtom in an nunnak a liam. An thi ruak hmanh an i la cawk ti lo. Ramri ah a thimi ruak an pon lulh ko hna.
Ukraine Vice President nihcun Putin cu na ralkap a thimi ruak rak la hna. Na lak duh hna lo ahcun kan ram chung ah rak luhter ti hna hlah tiah ralrin a pek. Red Cross mi bawmtu phu cu Russia ralkap a thimi ruak hi Russia ram ah kan kuat piak hna uh tiah a nawl hna.
Russia ralkap nihhin Ukraine khuapi Kyiv le Kharkiv cu lak ding in an timh tuah cuamha ko. Ralkap tampi an thlah cang hna i an thi lengmang. A tu hi ralkap tampi an thlah nolh than hna. Belarus fam Chenchen khuapi ah a ummi Belarus ralkap pawl zong Russia bawm ding in Kyiv khuapi le Kharkiv khuapi lei ah Russia ralkap he tampi an kal ti a si.
Russia ralkap nihhin civil mi zong hual loin an kah hna. Khuami thilri le inn lo zong hual loin an kah an khangh ti a si. Khuami Motor tampi zong an khangh cang hna. Ukraine ralkap cu NATO le US nih hriamnam thatha an bawmh hna. Hriamnam tampi an pek hna. An lung ai rual tuk fawn caah Russia nih fawi tein a tei kho lai lo. Ukraine mipi ralkap an si dih cang. Pitar le Putar tiang in meithal an tlai dih cang. An MP pawl zong meithal an tlai dih cang.
Ke ralkap bak cun Ukraine nih an tei tuk hna. Ukaine ralkap nih Russia Vanlong 29, Tank 200 leng, Motor 800 le thil dang tampi an hrawh piak ve cang hna. Helicopter 29 zong an kah thlak piak cang hna.
Leave a Reply