Nihin nikhat te ah Ukraine nih Russia Jet fighter pathum nak an kah thlak khawh. Nihin March 8,2022 nikhat lawng ah Ukraine vanlong kahnak nih Russia Jer fighter pathum a kah thlak tiah New York Time nih a tial.
New York Time nih a tial ning ahcun Kyiv khuapi pawngkam hrawng ah Russia Jet fighter pawl cu an zuang hna. Cu lio ahcun Ukraine ralkap Vanlong kahnak nih an kah hna i Jet fighter pathum cu an tla tiah a tial.
Ukraine ralkap nihhin nihin cun Russia ralkap Jet fighter hi 51 an kah thlak piak cang hna tinak a si. Helicopter cu 80 reng lo an kah thlak piak cang hna. Tank hi 200 reng lo an hrawh piak cang hna. Ukraine ralkap pawl zong an mah ram chung ahcun an i veng kho ngai ve rih.
Ukraine President Zelensky nihcun nihin ah video a thlah i kei cu Kyiv khuapi ka offcice ah ka um peng rih ko. A ho hmanh ka tih hna lo. Ka thih zong ah ka nun zong ah Kyiv khuapi le Ukraine khuapi cu ka zamtak lai lo tiah video ahcun a chim. Ukraine President cu US le British nih na himnak ding ah kan rak in lak lai tiah kan hnu ah khan an chimh. Zalensky nihcun ka la hlah uh. Zeitik hmanh ka ram ka zamtak lai lo tiah a ti hna.
Russia nihhin Ukraine President Zalensky hi voithum tiang thah an timh cang nain an that kho lo a luat peng tiah sungthoh pawl nihcun an chim. Russia nih Zalensky hi tlaih or thah an duh bak mi a si. Zalensky zong nih ai theih ve ko. A mah Zalensky hi a thih sual ahcun tiin a mah can ai ah hruaitu thar zong an thim cia cang ti a si.
Russia le Ukraine an i kahnak ni 12 a tling cang. Ukaine ralkap an zam lo. Nu nau lawng an zam i a zammi hi 2 million an si cang ti a si. Ukarine pa pohpoh cu zam loin meithal an tlai dih hna. Russia nih 24hour ah tei ding a timi cu an ralthatnak ruang ah nihin tiang a tei kho rih hna lo.
Leave a Reply