Breaking News: Russia Le Ukraine Hmaitonh In Biaruahnak An Ngei Cang

Breaking News: Russia le Ukraine hmai tonh in biaruahnak an ngei cang. Russia le Ukraine cu ni 4 chung an i kap hnu ah nihin ni 5 nak Febraury 28,2022 zanlei ah ton biaruahnak an ngei cang tiah theih a si.

Putin nih Ukraine ram cu nihnih ah fawi tein lak ding in ai timtuah nain a la kho ti lo. Ni 4 chung lawng ah a ralkap le a raltuknak thilri tamtuk a rawk cang. Nitlak lei ram le US nih fak tuk in saction an tuah ruang ah Putin nih a celh ti lo i Ukraine cozah he i ton ding a hal hna. Putin nihcun Belarus ram ah kan i tong hna lai an ti a ti nain Ukraine lei nih Belarus cu an zumh lo caah Belarus le Poland ramri ah kap hnih lungtlinnak in ton biaruahnak an ngei.

A tu ca kan tial lio Kawlram can zan sml 9:30 hrawng hi biaruahnak an ngeih cauhmah lio a si. Zeitindah an bia an donghter te lai theih a si lo. Media pawl nih an kulh thup ko hna.

Russia nih an duh mi cu Ukarine hi NATO ah luh lo kha a si. NATO ah a luh ahcun Russia caah a him ti lo. Cu pinah Ukfaine ram ah Russia miphun tampi an um. Ukraine uknak an duh lo caah hriam an tlai Russia nih hriamnam a bawmh hna. Mah pawl kong zong kha an ceih chih theu lai.

Ukraine ram nihcun kannih cu kanmah tein ai ukmi kan si caah kan duh ahcun NATO ah kan lut lai i kan duh lo ahcun kan lut lai lo. Mah kha cu kanmah nawl a si an timi a si. Ukraine nihhin NATO ah i peh i an ram hi Europe ram bantuk in thanchoter an duh. Zeitindah an biaruahnak cu a dongh lai. A phi an chuah kho te lai maw, chuah lo in dah hmailei ah ton than ding an ti te hnga. Tlawmpal ahcun a fiang colh te ko lai.

Be the first to comment

Leave a Reply

Your email address will not be published.


*