Biden: Thluak Ngei Lo Putin Kan Ra Lio

Breaking News: US President Joe Bidin nih Russia President Putin cu thluak ngei lo Putin kan ra lio tiah a hun hrocer ve cang.

Russia le Ukraine kahnak cu nikhat hnu hnu nikhat in a zual chin lengmang. Russia ralkap nihhin mipi inn lo bak hi tamtuk an hrawh hna. Ukraine ralkap an um lonak building le thilri pawl kha an hrawh tuk hna. Russia nihhin an khuapi pawl inn lo hi hrawh dih a timh ko tiah Ukraine President Zelenskyy nihcun a chim zungzal mi a si.

US President Joe Biden nihcun ” thluak ngei lo Putin kan ra lio” tiah a hun leh. US nih Russia cu dantatnak thar a hun chap than. Cucu US ram cung ah Russia Vanlong pohpoh zuan lo ding in a hun phih than cang. Europe ram vialte nih Russia Vanlong pohpoh an ram cung ah zuan lo ding in phihnak an rak tuah cang. A tu US nih a hun tuah ve cang. A rauh hlan ah Canada, Australia ram pawl zong nih an van tuah cio theu lai zumh a um. Russia Vanlong pawl caah vawlei cung khualtlawnnak lam a bi tuk cang.

Ukraine ram Kyiv khuapi le Kharkiv khuapi cu Putin nih man cikcek in phomh a timh ko cang rua. Inn lo thatha tampi an kang i an rawk hna. Hmanthlak zoh ah Syria ram bantuk a hluan cang. Ukraine President nih a mitthli he bia a chim cang.

Kyiv khuapi cu Russia ralkap hna nih meng 15 tluk lawng hlat in an naih cang. Kharkiv khuapi cu Russia ralkap pawl nih an kulh dih can a hung sau ngai cang. Tulio Ukraine ram ah hmun thum hrawng ah kahnak fak biatak tein a chuahnak an si.

Russia kut in Ukraine a himnak ding ah NATO ram hna le US hna nih hriamnam tampi an bawmh hna. Jet fighter 70 zong an bawmh hna. Tank kahnak phunphun le Missile kuan khamnak phunphun zong an bawmh cuahmah hna. NATO le US bawmhnak hriamnam in nihin tiang Ukraine ralkap hna nih an i kham kho rih hna. Russia nih ngol a tim ti lo. Ukraine nih sungkhan an tim ve lo. Zeidah an lawh lai vawlei pi nih cuanh an si ko.

Be the first to comment

Leave a Reply

Your email address will not be published.


*