Nupi caah hin muidawh tuk le khual tlawn a huam tukmi minung hi an rak tha lem lo. Nupi pasal cu zungzal thih hlan lo ca an si caah ruah setmat bu tein le fimkhur tein thit le neih a hau mi a si. A bik in kannih Chin miphun hna kan nun nung le sining lebang agcun nupi pasal hi mirang bantuk in i thlen lelek phung ah ruah mi a si lo caah a biapi taktak mi a si.
Nuleva thennak timi ahhin mifim mi hna nih an chimnak ahchn zatuak in nupi le cung ah ai hngat deuh mi a si tiah an chim. Nupi le an that ko ahcun i thennak hi a tlawm deuh ko ti a si. Cu caah nupitha timi cu a biapi tuk tinak a si.
Nupi caah hin muidawh tuk an that lonak a ruang cu muidawh tuk cu an duh tu hna pa dang an rak tamtuk. Nangmah nan duh hlan ah pa tamtuk nih an rak duh i an rak uar cangmi kha a si. Nangmah hlan ah pa tampi sinah hmurka tha le dawtnak thlumthlum ah a rak tep cang tinak a si.
Nangmah he nan van i um lai i ka caah tlangval an har lai lo ti phun in an lung a puam i then zong kha a poi ah an ruat lo. Ka mui ai dawh ko caah pasal cu ka tong tuk thiam lai tiin an ruat. Cu lawng si loin tlangval tampi nih an rak dawt cangmi a si caah na dawtnak ah khan a diriam lo khomi a si.
Khualtlawn a thawng tukmi nu hi nupi caah an rak tha lem lo. Thil thar tampi an hmuh i thil thar tampi cawk an duh. A herh lonak hmun i khual va tlawnnak nih phaisa tamtuk a dih ter. Inn lei fala caah le chungkhar caah rian tamtuk an thul. Cu caah muidawh tuk mi le khualtlawng a huam tukmi nungak cu tlangval pawl nih nupi caah hrial deuh ah an tha tinak a si ko hih.
Leave a Reply