Min Aung Hliang Nih Lungdongh In Uknak A Ap Te Lai Ti An Zumh

Min Aung Hlaing nihhin a sungkhan te ko lai tihi an zumh ciomi a si. Vawlei cung uknak tha lo a tlaitu tampi hna nih a sungkhang mi tampi an um bantuk in sungkhang duh loin thah mi zong tampi an um ve hna.

Min Aung Hlaing nih uknak a lak hnu ah Kawlram cu sifak taktak ah ai chuah cang. A mah nihcun ram ka sersiam khawh ko lai tiah ai ruah nain mipi nih kan doh tuk caah ram a sersiam kho bak lo.

Kum khat cu mipi sifak kan tamtuk manh ning le Kawlram ai hrawh tuk manh ning hi khauruah har bak khi a si ko. Kawlram ah thilman van a tong cang. Datsi man a kai taktak. Thilman an control kho ti lo. Control khawh awk zong a tha ti lo.

Mipi kan sifah hlei ah anmah ralkap chung tiang in an sifak cang. Min Aung Hlaing nih mah tihin cun kan sifak lai ti kha a theih tuk ruang ah anmah ralkap pawl cu semrel tein phaisa hman ding ah a forh lengmang hna. A herh lomi thil caw lo ding in a forh lengmang hna.

Yangon khuapi ah riantuannak company vialte khar dih a si. Chawleh thlanak lampi vialte ah buainak in a khat cang caah sifahnak nih a kan tlunh dih cang. Anmah ralkap zong an sifak cang. An bawi pawl lawng an rum.

Kawl ralhrang nih Lung mansung le Sui an lak in ramdang ah an zuar tawnmi zong a hlan bantuk in an zuar kho ti lo. Kawl ralkap company tampi cu mipi nih an hrial cang hna. Tlor thing thatha zong ramdang ah an zuar tawnmi an zuar kho hlei ti lo.

Kan ram hi buai chin lengmang dawh a si fawn. Mah nak fak in a buai chin rih lai. Cu caah mah ning hin cun Kawlram mipi hi sifak taktak dirhmun kan phan colh lai i sifak tuk ruang ah ngakchia nunnak tampi a liam te lai.

Cu tikah Min Aung Hlaing nih tihin cun a si kho ti lo a ti te lai i amah lungtho tein uknak hi mipi sinah a ap te ko lai tihi kan ram kong a cuan mi hna nihcun an ruah ciomi a si.

Be the first to comment

Leave a Reply

Your email address will not be published.


*