Matupi CDF hi kan dihlak tein bawm hna usih. Kawl ralhrang tampi an umnak ahcun Chin ralkap zong tampi kan hau ve. Ralhrang nak let in tam kan hau.
A tu Chin ramkulh Matupi lei ah Kawl ralhrang Motor 90 reng lo le raltuknak Tank pahnih cu an kal. Zing khan Mindat in an i thawh i Matupi lei ah an kal. Matupi an phak le phak lo theih a si rih lo.
Kawl ralhrang pawl hi an tamtuk caah Matupi CDF lawng nihcun zeitin hmanh in an ti kho hna lai lo. An hriamnam zong ai thlau tuk fawn caah CDF Matupi lawng nihcun an tei kho hna lai lo.
Cu ruang ahcun Chin ramkulh ah a ummi CDF vialte nih va bawmh an hau. Matupi peng ah ral va tuk an hau. Khuapi chung ah si loin lampi ah an kal lio hi cantha a si caah mah cantha ahcun thazang tampi in kan kah hna a hau.
Pengtlang in CDF dir cio a si. Pengtlang cio nih Matupi peng ah kan ralkap hna riahcaw le kuanzen ronh in kan thlah hna an hau. I kahnak a um lonak khuate ah meithal he um peng ko kha sullam a ngei lomi a si.
Anmah ralhrang nihhin minung tlawmpal tete in ral an kan tu ve ti lo. Voikhatlt an rat ah maw phu khat an rat ah maw minung a za leng peng an si ve cang. Meithal le hriamnam tling he a za leng an si tikah a tei an har tuk. Cu caah CDF vialte hi ral an umnak hmun ah minung tam taktak in ralhrang hi kan phomh hna a hau cang. Cuticun ralhrang zong tam an thi lai i hmailei ah an kan zenh thai cang lai.
Pengtlang cio CDF kha raltuknak hmun ah kan i fun a hau. Kan thazang kan i bawm a hau. Cuticun kan thazang a thawng lai. KNU le KIA bantuk in ralhrang hi a tomgom in kan thah khawh hna lai. Credit: Van Lian Chawn
Leave a Reply