Tun Myat Niang: AA Ralkap 30,000 Kan Tling Cang

AA hriamtlai hruaitu Tun Myat Niang nihcun ralkap thong sawmthum kan si cang tiah Asia Time Interview nak ah a chim.

Tun Myat Naing nih AA a dirhnak in kum 13 lawng a si rih. Kum 13 chung ah ralkap thong sawmthum leng kan ngei manh. Zeitik can poh ah ral a do kho colh dingmi minung 17,000 kan si. Kan hawi le Kachin, Shan le Wa lei ah ralkap 5000 leng kan chiah hna. Cu lo cun Rakhine ramkulh chung ah an um ko.

Rakhine ramkulh cu AA nih 100 ah 60 cu kan uk khawh cang. Khuapi lawng hi ralkap ukmi ah a si cang. Rakhine mipi nih fak piin an kan dirpi tiah a chim.

Kawl ralkap sinah ahhin kan covo kan ngah ding mi hi kutsih in an hmai ah hal kan tim hna lo. Kan covo an lak mi hi a chuh bak in kan chuh hna lai tiah AA hruaitu Tun Myat Naing nihcun a chim.

Tun Myat Naing nihcun Federal state kan ngah zong ah kan covo kan zoh rih lai. Cu a si kho lo kan ti ahcun Wah bantuk in kanmah tein zei kong poh kan i tawlrel lai, kan i uk lai tiah Asia Time ahcun a chim.

Wa ram khi Kawlram chung a si nain Kawlram mi nih duh poh in va kal le va lamh khawh a si lo. Ramdang bantuk khi a si ko. Kawl ralkap bawi asi zong ah, kawlram President a si zong ah Wa cozah nawlpeknak loin Wa ram ah a lut kho lo. Kawlram thimnak zong Wa ramkulh ah tuah a hau lo. Mah bantuk khi Tun Myat Niang ralkap thazang hmang in ai tinh mi cu a si.

Tun Myat Naing hi ai seihchiah ngai cang. Tlangcung hriamtlai ah AA kan thawng bik ti phun in a um i a biachim za zong a long ngai cang. Tu hrawng Rakhine ramkulh ah kahnak a um lo nain Kawl ralkap pawl an cawlcangh ning a tha lo. Cu caah kahnak zeitik can poh ah a chuak kho tiah AA nih ca an rak chuah. Mipi ralring tein um peng ding ah ca an rak chuah.

Be the first to comment

Leave a Reply

Your email address will not be published.


*