Ralhrang Uknak Tang Ah Sianginn Kai Hi A Miaknak A Um Maw

Ralhrang uknak tang ah sianginn kai hi a miaknak a um maw? Uico ralhranh pawl tang ah fimcawnnak sianginn kai hi zei tal a miaknak le a thatnak a um maw timi hi a biapi ngaingai mi asi.

Uico ralhrang pawl nih uknak an lak hnu in le Kawlram covid zawtnak ruang ah sianginn cu khar a hung si cang. Kum hnih thum cu khar a hung si cang. Sianginn kai khawh a si ti lo. Sinain ramtha ahcun online hna in sianginn an kaiter hna.

Kannih Kawlram cu covid zawtnak pinah ralhranh nih uknak an lak caah ralhrang uknak duhlonak langhternak caah sianginn cu kai lo ding ti a si. Cu ruang ah Sianginn tampi kai loin an um hna. Sinain ralhrang tang ah sianginn kaimi tampi an um thiam hna. A bik in Rakhine ramkulh cu sianginn an kai dih ngawt ko.

Mahhi ralhrang kut tang ah fimcawnak sianginn hi kan caah a miak nak a um lai maw tihi ruah a hau. Ngakchia cu sianginn an kai ding a si. Sianginn kai lomi ngakchia cu an hrut. Upat hnu bel ah kai lo zong ah a poi tuk lem hnga lo nain ngakchia cu sianginn kai kha an covo bak a si.

Ralhrang tang ah sianginn ab kaimi hi NUG cozah nih cohlan dawh a si lo. Ralhrang uknak chung ahhin zeitluk catang sang zong va phan ko hna hmanhseh, degree zong va la ko hna hmanhseh law NUG cozah a kai tikah an catang hi NUG cozah nih cohlan dawh a si lo. Tahchunhnak ah a tu ralhrang uknak tang ah na catang a kai hnga. A hlan ah tang 4 na simi kha ralhrang nih uknak an lak chung ah tang 6 tiang na phan manh. NUG cozah khi van kai sehlaw tang hnih nai chap kha relh piak loin a hlan tang 4 ah khan thut thiam dawh na si.

Ralhrang uknak tang ah degree na la hnga, sinain NUG cozag nih rian an in pe hlei lai lo. NUG cozah tang ah degree nan lak than a hau lai. Na kai than i degree nan lak than lawng ah NUG cozah nih rian pek khi na si te lai.

Cu ruang ahcun ralhrang uknak tang ah sianginn kai hi a miaknak a um hlei lo. Mipi ralkap nih an uknak hmun tete ah sianginn a kaimi tu hi cu NUG cozah nih an catang a cohlan mi ah a um lai. Cu raung ah a si khawh ahcun mipi ralkap nih an uknak hmun ah sianginn an on mi tete tu ahhin kai ah a tha deuh ding khi a si.

Be the first to comment

Leave a Reply

Your email address will not be published.


*