Ralhrang Pawl Raltuknak Vanlong Hi Phu Hnih Ah I Then Dawh An Si Cang

Kawl Uico raltuknak Vanlong pawl hi cheu hnih ah ai cheu khomi dirhmun ah an um cang. Min Aung Hliang cung ah an lungtling ti lo.

Kan hnu ah khan Min Aung Hlaing nih Kawl ralhrang Vanlong lei ralkap an lubik Maung Maung Kyaw cu a rian a phuah. Ruah lo piin a rian a phuah i rian lo piin a um. Sinain ralkap menber ahcun ai tel thiam ko tiah Zaw Min Tun nihcun kan hnu ah khan media pawl sinah a chim.

Min Aung Hlaing nih Bochohkyi Maung Maung Kyaw a rian in a phuah ruang ah Maung Muang Kyaw lei ah a tanhmi Jet fighter le Helicopter mongtu pawl an i lungsi ti lo tiah thawngpang a leng. Cu ruang ah Kawl ralhrang Vanlong pawl hi Maung Maung kyaw lei tang le Min Aung Hlaing lei tang tiin a ruahhlan ah an um zau lai tiah zumh a si.

Min Aung Hlaing nih ralhrang luban pical pathum bak an rian a phuah cang hna. Ke lei ralkap lubik zong a rian a phuah. Ralhrang secretary Aung Lin Dei zong a rian in a phuah than. Nay Pyi Taw tanhmu zong a rian in a rak phuah i mithar a khinh than. Sagaing ramthen, Magwe ramthen chak lei le Chin ramkulh vialte a hun uk tu Mongywa hrambunh tatmah hmu zong a rian in an rak dinhter i mithar an hun chiah.

Min Aung Hlaing nih ralkap pawl an rian phuah le rian thlennawnnak tamtuk a tuah cang caah anmah ralkap chung ah buainak a chuak. Lungrualnak a um ti lo. Lunghrinhnak in an khat cang. I zumh lonak ruang ah rian thumh mi tampi an um cang hna.

Cu ruang ahcun ralhrang pawl hi anmah le anmah kar ah rem lonak a um canc i a rauhhlan ah phu hnih ah an i then lai i anmah le anmah hi an i kap te ko lai tiah an zumh. Mahhi Chinmi kan pa Dr. Lian Hmung Sakhong zong nih a rak chim balmi a si.

Be the first to comment

Leave a Reply

Your email address will not be published.


*