Ralhrang Nih Zinan Khur An Duah, Riantauntu An Thah Hna

Ralhrnag nih Zinan khur an duah i riantuan tu cheukhat zong an thah hna. Anmah Kawl ralhrang bak nih Zinan khur an duah cang i riantuan tu cheukhat zong an thah hna ti a si.

Magwe ramthen Myiang peng ah a ummi Zinan khur cu Kawl uico ralhrang pawl nih mei in an duah i riantuan tu cheukhat cu an thah hna. Janaury 25,2022 ah khan ralhrang nihhin Zinan khur an duah hi a si. Riantuan tu cheukhat an thah hna i nu pawl cu an tlaih hna i an kalpi hna tiah Zinan khur ngeitu pakhat nih a chim.

Kawl ralhrang pawl nihhin January 24,2022 ah Zinan khur umnak cu an kal hnawh. Riantuan tu minung pathum cu PDF nan si tiah an puh hna i thi lak in an hrem hna. Cu pinah nu pawl an kalpi hna. Riantuan tu i an nupi le pawl zong ralhranh nihcun an kal pi hna. Zinan khur ngeitu hna nih mei cun duah hlah uh tiah an nawl lengmnag ko hna nain ralhrang nih an duh lo caah Zinan khur cu mei in an khangh hi a si.

Ralhrang pawl nihin Zinan khur ngeitu hna cu phaisa kan pe uh tiah an hal hna. Zinan khur ngeitu nih phaisa an pek ko hna nain ralhrang nihcun an duh lo i Zinan khur cu mei in an khangh thiam. A chung riantuan tu minung pathum an thah mi hna zong an hnakhaw an hleh hna. An thah hna hnu ah an ruak cu mei in an khangh hna tiah khuami hna nih an chim.

Kawl ralhrang nih uknak an lak hnu ah an duh mi minung paoh ah an thah hna i PDF a si tiah an puh hna. Nu cu an tlaih hna i an tlaihhrem hna. Cu lei an bawi le nih dantatnak zeihmanh an tuah mi a um bal lo. Ralhrang pawl hi nikhat hnu nikhat in an sual chin lengmang cang.

Be the first to comment

Leave a Reply

Your email address will not be published.


*