Nihin Thong Chung In An Chuak Cang Lai

Nhin ah an dihlak hin an chuak lai. Kawl ralkap nih uknak an lak hnu ah minthanh an tlaih mi hna chung in zeimawzat cu nihin ah an chuak lai tiah theih a si.

Nihin ah a chuak ding mi ahhin Pyi Ti Ooe Eiandra Kyaw Zin, Lu Min, Paing Thakhon, Win Min Than le Director Win hna an si lak tiah ralkap lei thawng chim tu Zaw Min Tun nih BBC sinah a chim.

Zei bantuk ruang ah dah luatter cu an si lai tiah BBC nih an hal tikah zei bantuk ruang hmanh ah a si lo. Zei bantuk philh lonak ca hmanh ah tuah mi a si lo. Nihin March 2,2022 hi an luat ni a si cang tiah Zaw Min Tun nihcun BBC ah a chim.

Ralhrang nih an tlaih mi hna Kawlram minthang pawl hi thong kum 3 le rian hrang tuan ding in biakhiahnak tuah piak cang mi hna an si. Sinain a tu ah ralhrang nih ruah lo piin kan thlah cang hna lai tiah thawng an van thanh.

Kawlram ah ralhrang nih uknak a lak hnu ahhin minung thong tampi a tlaih hna. Ramkhel thiamsang le minthang tampi a tlaih hna. Min Aung Hlaing nih uknak a lak hnu ah voi tampi thongtla luatnak a pek cang hna. Sinain ramkhel upa an i tel bal lo. Kawlram minthang pawl zong an i tel bal lo. Tutan cu ruah lo piin Min Aung Hlaing nih Kawlram lemcang minthanh pawl luatnak a van pek hna lai.

Be the first to comment

Leave a Reply

Your email address will not be published.


*