Min Aung Hlaing: Uknak hrang tel loin cozah poh nihcun rampi thancho ter an i zuam dih ko.
Min Aung Hliang nih mah bia a chim hi cu khuaruah har lei a si ko cang. A ningzah tal a celh hnga hme maw ti awk in a um ko. Uknal hrang lo nihcun rampi thacho ter le rampi nuam tein ser kha an duh dih ciomi a si ko tiah a chim.
A mah Min Aung Hlaing nihhin ukhrang ah a tu tiang ai ruat rih lo. Kawlram mipi vialte nih le vawlei cung ram vialte nih uknak hrang tiah an ti i a phunphun in dan zong an tat ko nain a mah nihcun uknak hrang ai ti duh bak lo hi teh.
Min Aung Hlaing nihcun NLD cozah tu hi ralhrang a ti hna. Hramhram uknak a ti. A ruang cu party pakhat lawng nih kan ram an hruai peng hi a dik lomi a si ti kha Min Aung Hlaing nih a chim pengmi a si.
Cu ruang ah kum 2020 thimnak ah NLD nih fak tuk in a tei. USDP party nih khoika te hmamh ah teinak an hmu lo. Cu ruang ahcun Min Aung Hlaing nihcun mee thlak ning ai palh tuk, mee firnak a um a ti caah uknak a laknak hi a si.
Can karlak chung kanmah nih uknak kan tlaih chung lai an ti. Cankar an timi hi kum 2021 Febuary 1 in kum 2023 tiang tlaih an i tim. Kum thum chung bak kha can karlak an ti khawh. Cu hnu ah thimnak kan tuah lai i teitu party sinah uknak kan pek lai tiah ralhrang pawl nihcun an chim tawnmi a si.
Min Aung Hlaing nihhin thimnak tuah hmanhselaw party dang tampi an i tel lai lo. Anmah lei ah a tangmi party dang pawl tu cu an i tel men ko lai. Kawlram chung ah party 100 leng a um. Cu chung ahcun party 50 hrawng hi ralhrang meeting a kai tawnmi an si hna. Ralhrang nih thimnak an tuah khawh lai zumh a um lo. A ruang cu ramchung ah fak tuk in kahnak le buainak a um lai caah thimnak tuah khawh a si bal lai lo. Ralhrang nihcun thimnak tuah i USDP party nih teinak co i an mah pawl nih Kawlram hi uk thiam kha an duh mi a si.
Leave a Reply