Min Aung Hlaing Nih Thimnak Hi A Tuah Kho Taktak Lai Maw?

Min Aung Hlaing nih thimnak hi a tuah kho taktak te lai maw. Min Aung Hlianh ai timh mi le ruah mi cu thimnak tuah kha a si. 2023 ah khin thimnak kan tuah lai i teitu a simi party sinah uknak tha tein kan pek lai ti kha ai timh mi a si. Cucu USDP party kha teitu si ding in an i zuam i USDP party sinah uknak pek te ding khi a si.

Min Aung Hlaing nihhin thimnak cu a tuah taktak te ko lai. Sinain voidang bantuk thimnak cu a si kho bal lai lo. NLD party an i tel lai lo. Party tlawmpal tu cu an i tel te ko lai. An i tel hmmah ah teinak an hmu lai lo, USDP party nih teinak kha an hmuh te ko lai.

Min Aung Hlaing nih thimnak cu a tuah ko lai nain tha tein a tuah kho lai lo. A ruanh cu PDF le hriamtlai hna nih mipi hi an kan control khawh tuk cang. Mipi nih an kan ti khawh tuk cang caah PDF le hriamtlai hna nih vote thla hlah uh an kan ti ahcun a dih ko.

Chin ramkulh le bang ahcun thimnak an tuah khawhnak ding hmun a um lo. Ralkap sakhan lawng ah vote thlaknak an tuah khawh lai. A dang ah vote thlaknak an tuah khawhnak ding hmun le khua a um lo. Kawlram lei le a dang ramthen lei zong cu thiam cu a si ko. Mee thlaknak ding hmun an tuahnak ah kahnak a chuak lai, bomb puahnak a chuak lai i a ho nih dah mee cu a thlak ngam lai.

Min Aung Hlaing nih thimnak ka tuah lai a timi hi a tuah khawh taktak lai lo caah uknak hi meithal he tlaih ai zuam peng thiam ko lai. Cu ruang ah ralhrang hi meithal in tei lo ahcun tei khawhnak lam a um ti lo. Thimnak zong a tuah kho taktak lai lo.

Be the first to comment

Leave a Reply

Your email address will not be published.


*