Council ralhraang pawl an zaam lai ti phan ah Hmat Pung Tin (NRC) an chuh hna, NRC lo in khualtlawn khawh a si ti lo
Council ralhraang nih khual tlawng tlungkal mi poh April 1 thawk in Hmat Pung Tin (NRC) lo in khual tlawn khawh a si ti lo ti thanhnak a tuah hnuah anmah ralhraang chung ah Hmat Pung Tin hna cu Battalion Commander nih an lakpiak dih hna tiah kan theih.
Ralhraang chung in an bawile tlik le zaam, an kuttang pawl a tli le zaam an karh chin lengmang hnu in atu bantuk in Hmat Pung Tin lakpiak an si. A biapi in tlangval deuh Hmat Pung Tin an lakpiak hna tiah kan theih.
“Chungkhar a ngei mi ralkap cu an chungkhar pawl lengchuahnak nawl an pek hna lo ca ah CDM tuah in tlik zaamnak a har. Mino tlangval pawl cu an si thiam ning poh in an tlik zaam tik ah atu bantuk in tlangval a si mi ralhrang pawl Hmat Pung Tin an lakpiak hna hi a si. Hmat Pung Tin lo in khualtlawn khawh a si ti lo tiah nawlchauh a si tikah a har ngai cang. Lengchuahnak caan ngeih hmanh ah Hmat Pung Tin um lo ca ah zaamnak ding a fawi lo” tiah ralhraang chung thawnghram nih a chim.
Cu lawng si lo in amah ralhraang chung ah chungkhar cazin an tuahter hna i an chungkhar zat tling tein an tuahter hna tiah kan theih.
Minkaladon Battalion in thawnghram pakhat nih cun a ralai mi thimnak ding caah ralhraang chungkhar cazin an lak tiah a chim.
Thimnak ca ah tiin an chim. Chungkhar cazin an kan tialter. An zaam lai ti an phang i a si kho men. Kanmah ralkap a chung um mi cu tha tein an kan lak dih. A leng lei a um mi ralhraang chungkhar cazin zong an lakter hna. A cheukhat ralbawi pawl cu a hramthawk tein a ruang tampi ruang ah ralhraang hmun chung ah an um hna lo. Mah pawl tiang in cazin an lakter hna ca ah kan lungre a thei tiah ralhraang thawnghram nih a chim. The Hakha Post
Ref: Khit Thit Media
Leave a Reply