Min Aung Hlaing Nih A Nupi A Fak Ning Cu Luak Chuak Lei A Si

Min Aung Hlaing nih a nupi a fak ning hi luak chuak in a fak. Ka nupi cu nu za bak pei a rak si cu tiah a fak.

Kan hnu ah khan ramkulh le ramthen vuanci pawl cu Min Aung Hlaing nih meeting a rak tuah hna. Cu meeting a rak tuah lio hna ahhin a nupi Kyu Kyu Hlah a thatnak le a felnak kong pawl tampi a chimh hna.

Min Aung Hlaing nihcun ka nupi hi sianginn cachim sayamah a rak si. Sianginn cachim sayamah hmanh ahhin University sianginn ca chim sayamah bak a si i a rian hi i phuak hlah sehlaw a tu ahcun Univesity pakhat uk tu hmanh a si cang lai.

Tanhmu ka rak tuan lio siseh bioha hmu ka rak tuan lio zong ah ka nupi hi a rak fel tuk. Sianginn ah catang sangpi cachim a si i nuam taktak in a um ko nain ka duhnak te kha a ka zulh peng caah a rian zong a rak chuahtaknak a si. Cu caah ka nupi hi upat tizah awk tlak a si tiah Min Aung Hlaing nihcun a fak.

Min Aung Hlaing a nupi kong hi social media ah a lang theng bal lo. Langh ngai ding a si nain. A mui zong ai dawh lem lo caah a lang lo i a si lai cu. Kim Jong-un a nupi kong hna cu social media ah a lang lengmang i minung tampi nih theih an duh ngaimi a si.

Min Aung Hlaing nupi Kyu Kyu Hlah hi Rakhine ramkulh Thandwe ah a chuak mi a si. Yangon University ah Myanmar Language cachim tu a rak si. Min Aung Hlaing he hin fapa pakhat le fanu pakhat an ngeih hna.

An pa Min Aung Hlaing nih a firmi phaisa in Comaony tampi an nufarual cun an tuah hna. Min Aung Hlaing fanu nih a ngeihmi Mandalay Hotel le bang cu a that ning le ai dawh ning ahhin a mak lawlaw mi khi a si. Sinain ho hmanh lengkai tu a ngei lomi a si. Min Aung Hlaing nih uknak a lak ruang ah le Rohinya kong ah vawlei cung company tampi nih an phih khar hna. Pehtlaihnak an tuah duh hna lo.

Be the first to comment

Leave a Reply

Your email address will not be published.


*