Min Aung Hlaing a Tanhtu Hun Sen Cu Malaysia Le Indonesia Nih Ralrin An Pek Cang

Min Aung Hlaing a tantu pa Cambodian Prime Minister Hun Sen cu Malaysia le Indonesia nih ralrin an pek cang. Ralhrang hruaitu Min Aung Hlaing nih Kawlram ah uknak a lak hnu in kawlram cu buainak in a khat cang. Dai tein lamzawh tu mipi hna ralhrang nih meithal in an kah hna tamtuk an thah hna.

Cu ruang ah Indonesia ram ah Kawlram kong ah Asean hruaitu pawl meeting an tuah i Min Aung Hlaing zong a lang in a rak kai ve. Kawlram kong ah Asean nih zulh ding phun 5 an ser piak hna. Asean nih Kawlram kong ah zulh ding phun 5 an sermi cu Min Aung Hlaing nih pakhat te hmanh a zulhmi a um lo caah Asean hruaitu hna nih Min Aung Hlaing cu meeting kai zong an phih. Voi hnih an phih cang.

Cu lio ah Asean Chairman a simi Combodian Prime Minnister Hun Sen cu Min Aung Hlaing lei ah tang in kan hnu ah khan Kawlram ah a tlawng i Min Aung Hlaing le ralkap bawi pawl he ton biaruahnak zong an ngei. Cu ruang ah Asean ram a simi Malaysia le Indobesia nih Hun Sen cu ralrin an pek. Asean nih Kawlram kong ah zulh ding phun 5 kan sermi hi na tihzah a hau tiah ralrin an pek.

Tu thla chung ah Cambodian ram ah tuah ding mi Asean meeting zong ah Kawl ralhrang lei in a kai ding an si ve. Hun Sen nih a sawm hna caah a kai ding an si ve i Asean ram pawl nih meeting cu ruah lo piin an let diam.

Malaysia vuanci nihcun Cambodia Prime Minister Hun Sen nih Min Aung Hlaing ton ai timh ahcun Aseab hruaitu pawl zong ruahnak a kan hal hmasa awk a si. Asean hruaitu pawl ruahnak a kan hal lo hmanh ah vawlei cung ram thangcho hna pawl ruahnaka hal hmasa hna awk a si tiah a chim. Cambodian Prime Minister Hun Sen cu Cambodia ram ah Min Aung Hlaing bantuk in a sualmi a si. A mipi pawl kha tihnung a rak that tu misual minthang pakhat a rak si ve.