Kum Khat An Tlinnak Ah Min Aung Hlaing Nih Mipi Sinah Biakamnak A Tuah

Min Aung Hlaing nih kum khat an tlinnak ah biakamnak a tuah mi a tang lei ah kan hun kanghter. February 1,2022 khan Min Aung Hlaing te an uknak cu kum khat a tling cang. Cu kum khat tlinnak biakamnak a tuah colh.

Min Aung Hlaing nih Kawlram mipi hmai ah biakamnak a tuah mi ahcun a ra laimi kum 2023 ah khin thimnak kan tuah lai. Thimnak tuah kho ding hrimhrim in kan i zuam lai tiah biakamnak a tuah. Uknak hi kanmah nih kan tlai peng lai lo. Thimnak kan tuah lai i teitu a simi party sinah uknak tha tein kan pek hna lai tiah biakamnak cu a tuah.

Thimnak kan tuah khawhnak ding ah mipi nih nan kan bawmh a hau. Kawlram hi dai tein a um lawng ah thimnak kan tuah khawh lai. A buai ahcun thimnak kan tuah khawh lai lo caah a si khawh chung in thimnak kan tuah khawhnak hnga mipi lei nih nan kan bawmh zong a herh tiah Min Aung Hlaing nihcun a chim.

Min Aung Hlaing biachimmi hi Myanmar ramkhel pawl nih an tuaktan tikah thimnak hi tuah lo khawh an si. A ruang cu kan ram dai tein a um lawng ah thimnak kan tuah khawh lai a ti caah kan ram hi dai tein um awk a tha ti lo. Hmunkkip le khua kip ah kahnak a chuak cang. Mah nak fak hin kahnak le buainak a a zual rih lai caah thimnak hi an tuah te men lai lo. Kan ram a buai tuk caah thimnak kan tuah kho lo tiin ram hi an mah nih an uk lawlaw te ko lai tiah an ruahnak an chim.

Ralkap nih thimnak kan tuah lai hei ti hmanh hna sehlaw NLD an i tel lai lo. Party tampi an i tel duh lai lo. Ramkhel ruang ah thongtla tampi an chuak rih fawn hna lai lo caah thimnak a tuah zong ahhin san a tlai lai hlei lai lo tiah ruah cio a si. Kawl ralhrang uknak hi an mah nih 2008 phunghram an ser ning tein cun 2023 February ah khin an uknak a dih ding a si. Pehsohnak nawl an ngei ti lo.

Be the first to comment

Leave a Reply

Your email address will not be published.


*