Kawl Uico Ralhrang Luban Pawl An Buainak A Zual Tuk Cang

Kawl Uico ralhrang pawl an buai tuk cang. An kar ah buainak in a khat cang caah hruaitu thlennawn a tam tuk cang.

Kawl ralhrang i Vanlong lei an ralkap ah a bawi bik a simi Maung Maung Kyaw cu Min Aung Hlaing nih a rian a phuah tiah theih a si. Vanlong lei ralkap bawi bik ruah lo piin a rian van phuah cu khuaruah har ngaingai thil a si. A chung ah zei thil dek a cang ko lai tihi ruah ciomi a si.

Maung Muang Kyaw ai awh ah Vice a rak simi Thun Aung tu kha Min Aung Hlaing nih ralhrang Vanlong lei ralkap bawi cem rian a hun khinh than. Nizan nai ah khan ralhrang chungtuan a simi Aung Lin Dei zong Min Aung Hlianh nih a rian a phuah ve cang.

Vanlong lei ralkao hi Min Aung Hlaing nih a zum kho ti hna lo. A ruang cu mipi ralkap nih Helicopter an kah thlak mi a tam ngai cang pinah an mah ralhrang le ralhrang pawl Vanlong in bomb an i thlak hnawh timi a tamtuk cang. Cu ruang ahcun Min Aung Hliang nih cheknak kan tuah lai ti zong ah a rak ti phahnak kha a si.

Kawl ralhrang pawl ahhin tatmah hmu siseh ramthen le ramkulh ah a ummi an luban pawl hna zong a tuletu in an thlen an nawn hna. An thialkam lengmang hna. Min Aung Hlaing nihhin a mah nih a zumh mi poh kha luban ah a khinh mei ko hna ti a si.

A fiang cu Kawl uico ralhrang pawl hi anmah an luban chung hmanh ah khin buainak fak tuk a chuak cang timi a lang. Min Aung Hlaing nih a hlan ah a rak i bochan ngaimi hna pawl kha ai bochan ngam ti hna lo. A zum kho ti hna lo. An chung lei sining cun an buai taktak khi a si.