Kawl Ralhrang Lei In ICJ Biaceih Zung A Kaltu Ding

Kawl ralhrang lei in ICJ ah a kal dingmi cu a mah hi a si. Min Aung Hlaing nih ramleng vuanci ah a thimmi Wunna Maung Lwin a kal lai. Uico Kawl ralhrang cu a ra laimi February 21,2022 ah khin ICJ biaceih zung ah kal ding an si cang. Nertherland khuapi ICJ biaceih zung ah an kal cang lai.

Gambia ram te nih Kawl ralhrang pawl cu Rohinya miphun hna cihmih nan timh hna tiin taza an cuai. Kum 2019 ah khan Suu Kyi hruainak in ICJ biaceih zung ahcun an rak kal cang. Suu Kyi nih a thiam khawh chung in a rak phisin.

Sinain a tu cu ralhrang nih uknak an lak cang caah Suu Kyi cu a um ti lo i an mah ralhrang nih ICJ cu an dir onh cang lai. Kawl ralhrang lei zong nih timhtuahnak tha tein kan ngei ko kan kal lai tiah an ti cangmi a si.

Min Aung Hlaing nih ramleng vuanci ah a thimmi Wunna Maung Lwin hruainak in ICJ buaceih zung ahcun an kal lai i zeidah an lawh te hnga. An dirhmun ding chim khawh a si rih lo. Kawl ralhrang pawl cu ICJ biaceih zung ah a tu a voihnihnak an chuah a si cang lai. Tutan ah biakhiahnak cu an tuah rih lai lo. An chim ning ahcun kum 5 tal cu a rau men lai tiah an chim.

Suu Kyi ICJ biaceih zung a rak kal lio ahcun Kawlram mipi nih Suu Kyi kan in dirpi ko tiah an rak au pi. Vawlei cung ramkip um Kawlram mi hna nih We Stant With Suu Kyi tiah an rak au pi hna. Khrihfa mi hna thla zong rak campiak a si.

Sinain a tu ralhrang pawl cu ICJ biaceih zung ah an kal cang lai i ho hmamh dirpitu an ngei ti lai lo. An sual ko tiah biakhiahnak tuah zokzok hna sehlaw a va tha tuk hnga dah.

Be the first to comment

Leave a Reply

Your email address will not be published.


*