Aung San Suu kyi hi iJC nih sual phawtnak an tuah kho ve lai maw? Myanmar ram cu Rohinya ruang ah Gambia ram nih ICJ ah taza a cuai hna. A voikhatnak cu an kal cang i a voihnih nak kal than rih ding an si.
A voikhatnak ah khan Daw Aung San Suu Kyi hruainak in ICJ ahcun an kal i Suu Kyi nih ICJ ah ralhrang pawl a dirpi hna, ralhrang pawl sualnak a huhphenh hna ti zong ah tampi rak ceih cio a rak si.
A tu a voihnih ah ICJ bauceih zung ah Kawlram an kal than a hau cang. Kawlram ai awh in ralhrang nih kanmah kan kal lai an ti i timhtuahnak zong tha tein kan ngei cang tiah an rak thanh. Sinain a tu cu NUG nih kanmah kan kal lai ti a si ve. Kawlram ai awh in ICJ ah NUG a kal ding an si cang.
Mahhi tazacuainak ahhin Gambia nih taza a cuaimi hna hi ralhrang bawi minung 6 pinah Daw Aung San Suu Kyi le President Htin Kyaw zong kha an i tel ve. Daw Aung San Suu Kyi nih ralkap pawl a si hna lo, a thloh hna lo, a rian a tolh ti ah tazacuai a tong ve.
Cu ti si ahcun Suu Kyi zong cu ICJ tazacuai nak ah a min ai tel vemi a si caah a mah cu sual phawt awk a tha ve ne lai maw ti kha a si. ICJ buaceih zung ahhin NUG an kal ahcun Suu Kyi le President caah cun a thiang ko lai tiah an zumh. A ruang cu Kawlram phunghram pi 2008 ahhin ralhrang nih an duh ning in an tuah mi a si caah ralkap cung ah Suu Kyi le President nih nawlngeih khawhnak a pel te hmanh a um lo caah hin Suu kyi le President cu an thiang kho ko tiah an rauh ning le zumh ning a si.
ICJ ah NUG an kal lai ralhrang nih Rohinya miphun hna tampi a thah hna nak le ralhrang pawl an sualnak kha tehte he tampi an chuah pi cang lai ti asi. Cu caah ICJ ah ralhrang pawl hi cu an sung ko cang lai tihi ruah a si. Sinain ralkap pawl nih ICJ ah NUG an kalmi hi a cohlan khawh lo ahcun thil phun dang in a um kho vemi a si.
Leave a Reply