Falam Le Kalay Kar Vaar Hlei Hi Hrawh Awk A Si Maw?

Falam peng Vaar hlei hi kan hrawh awk a si maw si lo tiin Chin mipi ruahnak ai kalh ngaingai. Kalay le Falam kar hlatnak Vaar hlei pi hi ralhrang pawl Chinram ah fawi tein an rak kai khawh lonak ding ah chah a hau ko, mahhi Vaar hlei kan chak lo ahcun ralhrang pawl Motor tampi in an rak lai lengmang lai caah Chinram ah ralkap thazang an chap khawh lengmamg ko lai tiin ruah a si.

Chinram ahhin Airport a um lo caah ralhrang nihhin Kachin le Kayah te hna bantuk in Vanlong in ralkap thazang an chap kho lo. Chin ramkulh ah ralkap thazang chap an duh ahcun Kalay Airport le Magwe ramthen Chohtu Airport kha an hman tawnmi a si.

Chin ramkulh ah Vanlong in ralkap thazang chap awk a tha lo. Helicopter in an chap duh hmamh ah minung tam a tlum lo i fawi tein an i chap kho lo. A bik in an hmanmi cu Motor lampi hi a si ko.

Cu ruang ahcun Falam lei ah ralhrang an rak lai tawnnka Vaar hlei hi chak bak ding a si ko i Mindat lei ah Motor lam khi chimh dih ding a si. Tedim lei zong ah Motor lam khi chimh dih hrawh dih ding a si ko tiah a ruatmi tampi an um. Ralhrang pawl ratnak lam an ngeih ti lo ahcun Chinram chung ah a um ciami ralhrang lawng an si fawi lai i fawi deuh in kan tei khawh ko hna lai tiah ruah a si.

Cheukhat nihcun ralhrang uknak hi kum tampi a rau kho rih. Motor lam kan hrawh dih i Vaar hlei zong kan hrawh a si ahcun khoika dah din ei kan phurh lak lai. Mipi ti rawl loin pei kan thih dih ko lai, kan har tuk lai ti ruat in Vaar hlei le lam hrawh a duh lomi tampi an um hna. Ruahnak phun hnih in a um.

Be the first to comment

Leave a Reply

Your email address will not be published.


*