CDM A Tuahmi Phaisa An Fir Piak Hna

CDM a tuah mi pawl phaisa an fir piak hna. Tulio Kawl ralhrang rianbawm tu hna lak ah a buai ngaimi cu CDM a tuah mi hna lahkhah an fir piak hna ti a si.

Thil a sining ahcun CDM a tuah mi hna cu ralhrang nih lahkhah an pe ti hna lo. Cozah rian khan an phuah hna i an phiat ve cang hna.

Sinain CDM a tuah ve lomi cozah zung lutlai pawl nih khan CDM a tuah mi hna an lakkhah kha an fir piak hna ti a si. Ralhrang sinah ca an hei kuat hi a nih kha CDM a tuah nain cozah rian ah a lut than tibantuk in an deh hna. Cuticun cung lei nih lahkhah cu an hun thoh hna i zung pakhat i lahkhah petu nih khan CDM tuah mi hna lahkhah kha ai lak ti a si.

Cu ruang ah mahhi kong hi ralhrang rian bawmtu hna kar ah a buai ngaimi a si. Anmah le anmah zong kha fak ngai in an i hleng, an i deh. Phaisa an ti ahhin cun an mit a caw bak ko, ningzah nih a kaltak cang hna.

Meithal a tlaimi ralhrang pawl zong khuate an kalnak kip ah mi phaisa an fir. Mi thilri a manfak deuh mi poh cu an fir zel. Cung lei an pu le nih dantat le sik a um bal lo. A ruang cu an lahkhah an i zat ti lo caah an fir lo ahcun an har tuk sual lai i ralkap in an zam sual lai ti an phang ve caah fir hi an onh mi hna a si.

Cu lawng si loin ram buai lio hi cantha ah la in ralkap bawi tampi nih mi tlaih in phaisa kawlnak ah an hman. Mi an tlaih hna i phaisa cu zat in rak tlanh uh tibantuk a tam ngai cang. Phone cawk zong ah tax tamtuk pek a hau cang. Sim card pakhat cawk hmanh ah tax tamtuk pek a hau cang. Cuticun phaisa hmuhnak lam lawng an kawl cio hna.

Be the first to comment

Leave a Reply

Your email address will not be published.


*