Cambodian Prime Minister Hun Sen Cu Nay Pyi Taw A Phan Cang

Myanmar ralkap Min Aung Hliang thazang pe ding in Coambodia Prime Minister Hun Sen cu Kawlram a rak phan tiah theih a si cang. Cambodia Prime Minister Hun Sen cu nihin January 7,2022 zing ah Min Aung Hlaing sinah Nay Pyi Taw ah a phan cang tiah theih a si. Hun Sen hi Min Aung Hlaing lei ah a tangmi a si. Asean ram hna nih meeting chung ah Min Aung Hliang cohlan ve ding zong in biatak tein ai zuammi a si.

Kawlram mipi hna nihcun Hun Sen duh lonak social media ha tampi an langhter. Lamcung zong ah Hun Sen hmanthlak an tar i mei in an khangh. Duh lonak phunkip an langhter ko nain Hun Sen cu nihin Nay Pyi Taw a phan thiamthiam ko.
Nihin Hun Sen cu Myanmar a phak ni ah Ynagon khuapi hmun kip ah bomb puahnak in a khat i meithal kahnak in a khat tiah theih a si. Cu lawng si loin Mandalay khuapi zong ah bomb puak a tam ngaingai ti zong theih a si fawn.

Kawlram ralhrang Min Aung Hlaing hi vawlei cung ram tampi hna nih cozah ah an pom kho lo. Cu chung ahcun Cambodia Prime Minister pa nihcun Min Aung Hlaing cu a tanpi i a van tonnak zong hi a si. Asean ram pawl hna zong nih Min Aung Hliang cu voi hnih an meeting ah an telter duh ti lo. Europe le Asean ram hna tonnak zong ah an meeting ah an telter duh ti lo.

Mah tluk in vawlei cung ram tampi nih Kawl ralkap an huat hna lio ah vawlei cung ram pakhat a simi Prine Minister nih Min Aung Hlaing a van ton ko hi cu thin a hung ngaingai ko. Min Aung Hliang le Hun Sen hi zeidah an i ceih lai timi theih a si lo. Nihin January 7,2022 hi tonnak cu an ngei phot lai i thil sining tampi theih a si than te lai.