Breaking News: Nay Pyi Taw Ah Iran Ralkap Vanlong A Tum

Breaking News: Iran ralkap Vanlong pakhat Nay Pyi Taw ah a phan. Iran ralkao Vanlong pakhat cu Nay Pyi Taw a phan tiah theih a si. Nihin Janaury 13,2022 zan sml 10:00 hrawng ah Iran ralkap Vanlong pakhat cu Nay Pyi Taw ah a phan tiah Irrawaddy Newd nih a tial.

Iran Vanlong Nay Pyi Taw a phak ahhin Nay Pyi Taw Airport a tum ah ralkap thilri a si lai tiah ruah mi thingkuang pawl cu an chuah len hna tiah an chim. Kan hnu zong ah khan Iran rammi minung 12 cu Nay Pyi Taw ah sau ngai an rak um. Nay Pyi Taw ah zarh khat tluk hrawng an rak um nain an tlun lai lawng ah an thawngpang theih khawh a rak si. Cu lio can ah Iran rammi hna cu ralhrang bawi ngan pawl an umnak hotel ah an chuak lut lengmang ko tiah an chim. Cu minung 12 cu zeidah an tuah timi fiang tein theih khawh a si rih lo.

Tuzan ah Nay Pyi Taw ah Iran Vanlong a hun phak than caah hin Min Aung Hlaing le Iran kar ah a thli tein pehtlaihnak a um lai timi hi al awk tha loin a fiang bak mi a si. Tehran le Nay Pyi Taw hi ralkap kong ah a thli tein pehtlaihnak an ngei ko timi a fiang. Zeiti phun in dah pehtlaihnak an ngeih hnga timi tu cu a fiang lo.

Kawlram hi vawlei cung ram tampi hna nih meithal hriamnam cawk an kham. Uknak chia kha a si ruang ah vawlei cung ram tampi nih hriamnam an zuarh duh lo. Mahhi lio caan ahhin Iran nih cantha ah la in Min Aung Hlaing hi hriamnam a zuarh maw a si a bawmh dah a si hnga theih a si lo. Russia zong nih ralhrang cu hriamnam tampi a bawmh ai a zuarh fawn.

Min Aung Hlaing uknak a lak hnu ahhin vawlei cung uknak tha lem lomi ram Iran le Pakistan he a thli tein an i pehtlai ko timi a fiang.

Be the first to comment

Leave a Reply

Your email address will not be published.


*