Asean Lungtlinnak Phun 5 A Zul Lomi Min Aung Hlaing Meeting Kai Hlah Seh

Asean lungtlinnak phun 5 Min Aung Hlaing nih a zulh lo ahcun Asean meeting ah kai hlah seh tiah Singapore vuanci nih a chim.

Ralhrang hruaitu Min Aung Hlaing kong ah Asean lak Cambidian hi a lung ai rual lomi a si. Cambidian hi tukum Asean Chairman a tuan lio a si caah Cambodian ah Asean meeting tuah ding ah Min Aung Hlaing cu Cambidian Prime Minister Hun Sen nih a sawm i meeting a kai ding a si.

A sinain Cambodian ah tuah ding mi Asean meeting cu ruah lo piin an let. Zeitik ah an tuah te lai hmanh a fiang lo. Cheukhat nihcun Min Aung Hlaing ruang ah a si lai tiah an ruah. Singapore Prime Minister le Cambodian Prime Miniter cu online in biaruahnak an ngei i Min Aung Hlaing an i ceih hi a si. Hun Sen nihcun Kawlram hi Asean meeting ah a kai ve awk a si ko ti kha a dirpi mi a si.

Cambodian Prime Minister Hun Sen cu kan hnu ah khan Kawlram ah a rak tlawng i Min Aung Hlaing le ralhrang hruaitu pawl he zong ton biaruahnak an ngei. Cu lio ahcun Kawlram mipi hna nih Hun Sen cu ralhrang thazang petu na si tiah an rak ti i fak piin an rak doh. Online in siseh sandah piahnak in siseh fak piin rak doh a si.

Cu hnu ah Malaysia vuanci le Indonesia vuanci zong nih Hun Sen cu an mawh chiat. Asean lungtlinnak phun 5 a zul lomi Min Aung Hlaing cu va ton ding a si lo. Va ton ding zong ah Asean upa hna sinah ruahnak zong hal hmasa ding a si tiah an ti.

Ralhrang hruaitu Min Aung Hlaing cu Asean nih voihnih meeting an bar cang. Asean le UE meeting zong ah an rak bar cang. Asean ram hna zong nih an rem ti lo. Fak piin an doh hna cang.

Be the first to comment

Leave a Reply

Your email address will not be published.


*