A Tuletu In Rian An I Thlen Hi An Sining Ai Fiang Ngai Ko

A tuletu in hruaitu an i thlenmj nih an sining a fianter ko. Kum khat chung ah Kawl ralhrang hi a tu bantuk in hruaitu an i thleng bal hna lo. Tu hrawng cu hrauitu an i thleng taktak hna.

Kawl ralhrang pawl ral an sungh biknak a si lai tiah ruah mi Sagaing ramthen, Magwe chak lei le Chin ramkulh a hun tlaitu Mongywa hrambunh tatmah hruaitu le bang hi cu a tuletu in an i thleng.

Pakhat an hun chiah i tlawmpal ah ral na tei kho lo an ti caah pakhat an hun chiah than. Thla khat hrawng ah ral na tei lo an ti than i a dang pakhat an hun chiah than. Cuticun an i thleng lengmang ti a si.

Cu lawng si loin Nay Pyi Taw ah a ummi ralhrang luban zong rian phuah an tong ngai cang. Rian thumh an tong ngai cang. Vanlong lei ralkap lu bik a simi Maung Maung zong Min Aung Hlaing nih a rian a phuah. Ralhrang chungtuan a simi Aung Lin Dei zong a rian an phuah hoi. Cu lawng si loin Nay Pyi Taw tanhmu zong a rian phuah a si i mithar nih an hun thlen.

Anmah ralhrang luban chung ahhin zumh lonak a um cang. An i zuam ngam ti hna lo. Vanlong ralkap zong an zum ngam ti hna lo. A ruang cu Shan ramkulh ah, Kachin ramkulh ah le Karen ramkulh ah Vanlong in ral an tuknak ah anmah lei ah bomb an thlak lengmang. Cu ruang ah a thli tein NUG lei ah a tangmi na si ko lai tiah lunghrinhnak an ngei cang hna.

Cu lawng a si loh. A ho hmanh nih theih lo ding in anmah ralkap chung ah bia an i ceih mi hi leng ah a chuak lengmang. NUG le media pawl nih an theih peng. A ho dah kan bia hi leng ah a chuahter tu a si ti kha an i puh i lunghrinhnak an ngei cang hna.

Kawl ralhrang luban lak ahhin a thli tein NUG lei a tang mi cu an um ve hrimhrim ko. Mah kha cu NUG nih an phuan ding mi a si lo caah theih khawh an si lo.

Be the first to comment

Leave a Reply

Your email address will not be published.


*