Vawlei Cung Rian Ah Hmanthlatu Rian Hi A Nuam Bik Ti A Si

Vawlei cung rian ah a nuam bikmi hi hmanthlatu si hi a nuam bik ti a si. Vawlei cung ahhin rian phun tamtuk a um. Thla khawh a niam le a san khi cu a va um ko seh. A rian a nuam maw nuam lo ti ahcun hmanthla tu si hi a nuam bik tiah an chim. Zei ruang ah dah hmanthla tu si cu a nuam kan ti ahcun a tang lei ahhin a fiang ngai ko.

Hmanthla tu cu nifatin hmunhma thar an hmu. Minung ai dawhdawh an hmu peng hna. Thingram ai dawhdawh le park dawhdawh an hmu peng. Nifatin thil a dang lengmang mi le a thar lengmang mi an hmuh caah hin cu nihcun an thinlung hi an thar ter peng hna ti a si. Cu ruang ah an lungretheih a tlawm i an thinlung hi a busy can a tlawm tiah hlathlai tu hna nih an chim.

Nifatin an tonmi thil thar ruang ah an thinlung a thar, nifatin an hmuh mi thil thar le thil dawh ruang ah an thinlung a thar i a thiang. An thinlung kha lungsi ngai in a um can a tampi ti a si. Zei dang rian cu tuan tawn mi kha tuan peng a si. Rian a buaithlak tuk ti zong a um. An rian kong ah an lungre a thei tawn. An hmuh cia kha hmuh peng, an tongh cia mi kha tongh peng a si.

Hmanthla tu rian hi a hlawt tuk lo nain thinlung a nuamh caah rian vialte lak ah a nuam bikmi rian a si tiah an chim. Cu caah cun hmanthla tu rian hi pawcawmnak caah zungzal in tuan khawh a si ahcun i thim bak ding a si ko tiah an ti ciomi a si. Nu zong nih fawi tein tuan khawh a si i pa zong nih fawi tein tuan khawh mi rian a si fawn. Sinain zungzal in tuan awk rian bel a tlawm ngai.

Be the first to comment

Leave a Reply

Your email address will not be published.


*