Zeitluk In Miphun Le Ram A Dawt Timi Rak Zoh Hmanh

Matupi peng ah Kawl uico ralhrang nih kum 13 lawng a si mi pa ngakchia an thah mi kha kan miphu caah rian a tuanmi a si. January 6,2022 ah khan Kawl ralhrang pawl nih Matupi peng ah Kawl Uico ralhrang nih Chinmi minung 11 an rak tlaih hna. January 7,2022 zong ah an rak tlaih hna. Cu an tlaih mi hna cu ralhrang nih an thah hna i minung 10 ruak cu CDF nih an hmuh hna.

Cu chung ah kum 13 lawng a si rihmi pa ngakchia Salai Ne Lang hi miphun caah nunnak pek in rian a tuanmi hna kan ralkap pawl din ei ti rawl ka pe hna lai tiin a kal lio ah ralhrang nih an tlaih i an thah hi a si. A mah hi ngakchia te lawng a si nain kan ram le kan miphun a dawt i a nunnak zong kan ram le miphun caah a pek.

Kan hnu lei hrawng ah khan Matupi peng ah pehtlai in nithum chung hrawng kahnak a fak. Kawl ralhrang lei in a thimi le nunnak liammi an tam. Sabawngte sakhan cu ralhrang pawl nih an zamtak. Helicopter nih ralhrang 10 hrawng a lak hna i Matupi sakhan ah a chiah hna.

Kan hnu ah khan Pako in Mindat lei ah ralhrang Motor 90 leng le raltuknak Tank 2 cu an kal. Mindat in Matupi lei ah an lan than. A tu hi Mindat le Matupi kar ah an um lio a si i CDF Mindat nih nihnih chung an phomh cang hna. Mahhi chung ah Kawl ralhrang zeizat an thih cang le hliam an tuar cang timi a fiang lo.

Mindat le Matupi kar ah ralhrang Motor 90 le Tank pahnih cu an i tap rih ko. Lampi ah CDF nih bomb an chiah dih cang caah ralhrang pawl caah fawi tein Matupi an phan kho lai lo. Hmailei ah kahnak fak a chuak rih dingmi dirhmun ah an um.

Be the first to comment

Leave a Reply

Your email address will not be published.


*