Thantlang ah a ummi Kawl uico ralhrang pawl an lau taktak cang. Leng zong an chuak ngam ti lo ti a si. Thantlang ah a ummi Kawl ralhrang pawl khuaruah har in an ning a ti cang, an lau cang i umzia an thiam ti loh tiah an chim.
Thantlang ah a ummi ralhrang pawl hna hi Chin miphun ralkap hna nih miakpi bak in an kaj ve cang hna. Tuan lio ah khan an Helicopter zong an kah piak hna i a mei ah an khen piak hna. Mah hnu khan Thantlang uico pawl nihcun Chin ralkap nih hriamnam ngan an ngei ko tiin an lau cang ti a si.
Thantlang ahhin Chin miphun ralkap hna nih hmunhma tamtuk an lak cang. Anmah ralhrang nihcun sakhan pawng le chak lei sang tlawmpal te lawng khi an uk khawh cang. Mah hna pawl zong cu canrau lo ah am sakhan ah an pil zau te ko lai tihi zumh a si.
Thantlang ralhrang pawl an umnak hi Chin hriamtlai hna nih an kulh dih cang hna. Hakha lei ah kirnak lam zong an ngei ti lo. Khuate lei ah kalnak lam zong an ngei ti lo. Ramlak ah zamnak lam zong an ngei ti lo. Cu caah lungrethei in an um ko ti a si.
An lungretheih tuk le Chin ralkap an tih tuk hna ruang ah a langpar in mei bomb hmang in Thantlang inn pawl cu an van kah lengmang i inn khangh lawng hi an ti khawh mi a si ko cang. Zeidang an ti khawh mi a um ti lo. kan hnu ah khan Thantlang ahcun ralhrang Helicopter a rak phan than ti a si. Helicopter a phak lonak a sau tuk cang nain kan hnu nai cu a hung phan than.
Ziah Chin ralkap hna nih an kah lo timi online ah mipi an hun zai ngai cio hna. Vanlong kahnak zong ramleng lei in kan cawk cang ko caah kap bak ding pei a si cu tiah an ti cio.
Leave a Reply