Tedim Canady Thla Um Ralhrang Pawl Chin Ralkap Nih Thla Thum Chung An Kulh Cang Hna

Chinram ummi Canady tlang ralhrang pawl thla thum leng Chin ralkap nih an kulh cang hna. Chin ramkulh Tedim peng ah a ummi Canady tlang i Kawl ralhrang sakhan cu thla thum chung leng Chin ralkap nih kan kulh cang hna tiah CDF pakhat nih Zalen sinah a chim.

Thla thum chung leng kan kulh cang hna caah khoika hmamh an kal kho ti lo. Tlangbo tang ah khin ti an lak a um. Tikhur a um i ti zong an than kho ti lo. Rawl zong an la kho ti lo. Ti rawl zong ke cun an i pe kho ti lo.

Canady tlang ah a ummi ralkap pawl cu an celh lo caah a thli tein an zam lengmang fawn hna. Kalay lei zong in ke ralkap an kal kho ti lo. Tedim lei zong in ke ralkap an kal kho ti lo. CDF le Chin ralkap nih lam pi an phih dih cang.

Cu ruang ah nihin Janaury 19,2022 kha Canady tlang ralkap sakhan ahcun Helicopter pakhat a kal i ralkap minung 12 hrawng van in a van thlak hna. Ralkap pawl cu helicopter cung cun an zuang hna i ralkap pakhat cu a zuannak plastic kha ai samh lo caah hor ah a tla i a thi tiah CDF pakhat nih Zalen sinah a chim.

Tedim peng ahhin kan hnu lei hrawng ah khan Kawl ralhrang pawl cu Canday tlang lei lai ding in Kalay lei in timhtuahnak an ngei hna. Sinain Chin ralkap hna lampi ah an kah lengmang hna caah an kal kho lo. Lampi in Kalay lei ah an kir lengmang ti a si.

Tedim le Tonzang peng lei ahhin Kawl ralhrang lawng si loin ZRA le Kahte patung pawl hna zong an cawlcang. Min Aung Hlaing ralhrang lei ah an tang i Chin ralkap he zong an kar ah kahnak a chuak cang.

Be the first to comment

Leave a Reply

Your email address will not be published.


*