Ralhrang Nih Chin Ramkulh A Thar A Kan Nam Than Cang

Chin ramkulh lei ah ralhranh nih a thar in ralkap thazang thar tamtuk an hun chap than hna.

Nihin January 9,2022 ah Kalay myo Airport ah ralhrang Vanlong pakhat a tum. Ralhrang Vanlong pakhat a tum tlawmpal ah airport pawng ah bomb voi hnih a puak colh. Cu hnu ah meithal kahnak pehtlai in a chuak tiah theih a si.

Chin ramkulh Matupi peng lei zong ah kahnak a fak. Nithum chung pehtlai in an i kap cang. Ralhrang zong a thimi le hliamtuar mi tampi an um cang hna.

Cu ruang ah Kawl ralhrang pawl nihcun Matupi lei ah an thazang an chap. Pako in Mindat lei ah ralkap Motor 90 reng lo le raltuknak Tank pahnih in an ra i zahan kha Mindat ah an riak. Cu hnu ah nihin Janaury 9,2022 zing ah khan ralhrang Motor 90 leng le raltuknak Tank pahnih cu Matupi lei ah an lan. Helicopter cu cung in a ven hna.

Matupi peng ah Kawl uico ralhrang nih khuami minung 7 an tlaih hna. Cu chung ah minung 4 hi cu an thah ko cang hna tiah fehter a si cang i a dang pathum hi cu fehter khawh an si rih lo. An thawngpang hlat cuahmah lio a si.

Kawl ralhrang nihhin a thar in Chin ramkulh a van kan nam than cang. Kan hnu te ah khan Sagaing le Chin ramkulh a hun uk tu Monywa hrambunh ralkap bawi zong an i thleng ti a si. A thar an van chiah ti a si. A thar in Chin ramkulh lei phomh than an kan timh ko cang hih.

Kan hnu hrawng kha Falam peng zong ah kahnak a fak ngai. Ralhrang 200 hrawng an um i 100 veve in hmun hnih ah an i then i Mualzual khua zong mei in an khangh.  Chin ramkulh ah a thar in kahnak fak a chuak than khomi a si caah mipi ralring tein um zungzal hna usih.

Be the first to comment

Leave a Reply

Your email address will not be published.


*