Naihrawng Chinram Kahdohnak Ah Kan Ralkap Nunnak Liammi An Tam Ngai

Naihrawng kahdohnak ah kan ralkap nunnak a liammi an tam ngai i a poi kho taktak. Ralhrang nih Chin rankulh ah thazang tampi in a voihnihnak an kan fuh hnu ah kan Chin ralkap hna nunnak liammi ni peh in an van um pah i a poi ngaingai. Anmah ralhrang lei zong tampi an thi ve ko nain kan ralkap hna nunnak liam hi a poi tuk mi a si.

Kan ralkap hna nunnak hi minung pakhat te liam hmanh kan sinag hna lo. Sinain ram le miphun caah cun nunnak pek zong a herh caah khan a si ko. Tedim le Tonzang peng lei kahnak ah Janaury 14,2022 khan kan ralkap CNA pakhat nunnak a rak liam. January 15,2022 ah kan ral CNA pakhat nunnak a liam rih. January 13,2022 ah kan ralkap CNA pakhat bomb puah sualnak ruang ah nunnak a liam rih. Nihin Janaury 18,2022 ah Matupi peng ah CDF pakhat ralhrang nih siniper in an kah i nunnak a liam rih. Nihin Zotung lei ah Chinmi pakhat nunnak a liam rih.

Nai hrawng kan ralkap ni peh bak in aj nunnak a liam. A poi tuk hringhran. Pathian sinah fak piin thlacam than hna usih. Falam peng i kahnak lawng ahhin ralhrang ceilak an thi cang. Falam peng chung ralhrang nih Kalay peng lei in an thazang an chap. Waibulah le Parte khua pawng ah kahnak a chuak. Zarh khat chung tluk kahnak a chuak cang. CNDF nih ralhrang tamtuk an thah cang hna.

Cu lawng si loin Tedim peng lei ah nifatin kahnak a chuak hoi. Kalay in Tedim lei ah ralhrang an ra. Chin ralkap hna nih an kah hna i ralhrang pawl ceilak an thi. An lan kho lo an kir than. Cu lai ah Kahte tapung le ZRA an rak i chap hoi. A poi ko.

Cu lawng si loin Matupi le Mindat kar ah ralhrang pawl tampi an um hoi. CDF Mindat nih nifatin an kah hna. Ralhrang pawl Matupi an phan kho rih lo. Lampi ah an um rih ko. Naihrawng Chinram kahnak a zual ngaingai.

Be the first to comment

Leave a Reply

Your email address will not be published.


*