Myanmar ralzaam 30,000 leng nih ID Cards an ngah cang

Myanmar ralzaam 30,000 leng nih ID Cards an ngah cang

Hngakchia 11,798 le nu 10,047 telh in Myanmar ralzaam 30,316 cu a luancia February thla thok in Mizoram hmunkip ah an i dor tiah Mizoram News nih July 17 ah a thanh.

Myanmar in Mizoram ah a rak zaammi chung in lawmakers (law lei thiamsang) minung 14 an i tel tiah cozah lei riansang tlaimi nih Mizoram News ah a chim.

Cun, Minung 30,316 chungah minung 30,299 cu an sinning (profile) ṭha tein lak khawh an si cang tiah a chim fawn.

Cozah nih chuahpiak mi ralzaam card hi Mizoraam ah hmatpungṭin nak ca lawngah a si lai i cozah program chungah phung lut a si lai lo.

Cun ralzaam 30,000 leng zong ralzaam sinak ID Card chuahpiak an si cang.
ID Card nih a sawh duhmi cu Mizoram ah a ummi Myanmar rammi kha a si.
Cun, hi ID card hi tette ca lawng ah hman khawh a si lai i cozah program caah phunglut an si lai lo.

Mizoram ah ralzaam camp 156 leng cu cozah, NGOs le khuanu khuapa bawmhnak in dirh a si i Saiha ah inn 41, Lawngtlai ah inn 36 le Champhai ah inn 33 tiah sakpiak a si tiah theih a si.
Atutiang ah Myanmar ralzaam hna nih Mizoram ukphung lei buainak ah an i tel rih lo tiah Mizoram cozah nih a thanh.

Ralzaam a tam deuh hi Chin ramkulh in a raami an si tiah Mizoram News nih a thnah.