Kawl Uico Ralhrang Nih Chin Ramkulh Lam Pathum In An Van Kan Fuh Than Cang

Kawl uico ralhrang nih Chin ramkulh hmun thum in an kan nam cang. A thar in an kan luh hnawh than. Kan hnu lei ah khan Kalay in Falam ah, Falam in Hakha lei ralhrang Motor 80 leng le Tank pahnih an rak phan. Falam le Hakha kar ah CDF le CNA le CNDF nih cei in an phomh hna. Thlanrawn le Tialti khua cu ralhrang nih mei in an rak khangh pinah Falam le Hakha kar khua tampi inn lo an rak hrawh dih.

Cu pinah Magwe ramthen Pako in Mindat ah, Mindat in Matupi lei ah ralhrang tank pahnih le Motor 90 leng an rak kal hoi. Matupi le Mindat kar ah CNA le CDF nih fak lak an rak phomh than hna. Ralhrang pawl cu ni tlawmpal an um i an kir than.

Mah hnu khan Chin ramkulh lei ahhin ralhrang pawl tamtuk an ra ti lo. An thawngpang a dai pah cang. Ramchung ah a ummi cia le Chin ralkap i kahnak lawng a si cang. Sinain nai hrawng cu Kawl lei in ralhrang pawl hmun thum kan ti lai amw lam pathum in kan ti lai dah, an van kan fuh than. Chin ramkulh cu an van kan nam than cang.

Kalay in Tedim peng lei ah ralkap an thazang an hun chap. Tedim peng le Tonzang peng chung an lut cang i Chin ralkap he an kar ah kahnak a chuak. Nihin Janaury 13,2022 zong Tedim peng Tezang khua pawng ah Kawl ralhrang le Chin ralkap kar ah kahnak a chuak i ralhrang 7 leng an thi.

Kalay peng Natchuang khau le a dang in ralhrang pawl Falam peng ah an lut hoi. Kan hnu ah khan CNDF he an i phomh i ralhrang minung 15 leng an thih pinah hlaim tuar an tam.

Cu lawng si loin Magwe ramthen Pako in Mindat lei ah ralhrang Motor 90 leng le raltuknak Tank pahnih an ra i Mindat an riah hnu ah Matupi lei ah an kal. Matupi le Mindat kar ah CDF le CNA nih lampi a tu hi an hren ko hna. CDF le CNA nih ralfir in an kah lengmang hna i ralhrang pawl cei lak an thi cang. Ralhrang nih Chin miphun hi a thar in a van kan nam thanmi a si.

Be the first to comment

Leave a Reply

Your email address will not be published.


*