Hramhram in uknak lak a si hnu caan chungah ralzaam 760,000 deng an um

Hramhram in uknak lak a si hnu caan chungah ralzaam 760,000 deng an um

Ralkap nih hramhram in uknak a lak hnu kumkhat leng caan chungah a chuakmi kahdohnak ruangah innlo a zaamtakmi minung 758,000 an um tiah United Nation Office for the Coordination of Humanitarian Affairs (UN OCHA) nih July ah a thanh.

Myanmar ram pumpi ah innlo a zaamtak mi cazin hi a luancia April thla tiang ah 566,100, an si i June thla ah 758,000 tiang an phanh caah thlathum chungah ralzaam minung 191,900 tiang an karh.

A zaammi hna hi buainak ruang le himnak a um lo ruangah innlo an zaamtaknak hi a si tiah a langhter.

Kahdoh a fahnak Sagaing ramṭhen, Magway ramṭhen, Kayah ram le Chin ram hna ah innlo a zaamtakmi an tambik tiah aa ṭial.

June 27 tiang hmuh khawhmi cazin ah hramhram in uknak lak a si hnu ah a chuakmi buainak le him lonak ruangah innlo a zaamtakmi minung 758,000 telh in Myanmar ram pumpi ralzaam cazin hi million 1 a lonh tiah UN OCHA thanhnak in theih a si.