Hakha Ah Thilman A Let Hnih Bak In A Kai I Nun A Fawi Ti Lo

Hakha ah thilman a kai tuk caah mipi lungrethei le thinphang in an um ko hna. Hakha khuapi cu thilman a let hnih bak in a kai caah mipi lungrethei le thinphang in an um hna tiah theih a si.

Hakha khua ab thilman a kaimi hi din ei man fak tuk in a kai. A hlan ah 1000 an huah mi kha a tu ahcun 2000 an hauh cang hna. Facang man le Chiti man zong a let bak in a kai. Zingka breakfast eimi chang tiang in a let hnih bak in thilman a kai tiah theih a si.

Mah ti ning in thilman a kai ahcun zapi zaran caah cun nun a fawi ti lai lo tiah khuami pakhat nih a chim. Cheukhat dawr ahcun thil a dih nak zong a um. A hlan ahcun Kalay myo ah thil kan cah ah nithum lawng a rau tawn. A tu ahcun zarh khat zarh hnih hna a rau cang tiah khuami pakhat nih a chim.

Chin ramkulh hmunkip ah thilman a kai dih. Matupi hna ahcun fak tuk in Facang man a kai. Facang tun khat ah a ting leng a phan cang. Cu hmamh ah cawk ding a um huaha lo tiah khaumi hna nih an chim. Zei dang thilman tiang zong a kai dih. Sifak santlai lo caah nun a fawi ding a si to lo.

Ramdang in phaisa kuatu a ngeimi hna nih tlawmpal an i ning deuh. Thilman a fak zong ah tlawmpak tal cu an cawk khawh. Ramdang in phaisa kuatu a ngei lomi hna caah cun a har bak ko. A hlan bantuk in riantuan awk a um ti lo. Phaisa laknak hi a har bak cang. Thilman nih le van a tong hoi cang tung i sifak santlai lo caah nun hi lungrethei a si ko cang tiah Hakha khua ah a ummi pakhat nih a chim.

Kawlram cu ralhrang nih uknak an lak ruang ah vawlei cung ram sifak pawl kha kan i chauh manh cang. Raltuk buainak ruang ah thilman a kai dih. Company riantuan an um ti lo. Ralhrang ruang ah sifah nih fak tuk in kan tuar ee.

Be the first to comment

Leave a Reply

Your email address will not be published.


*