Good News: Ralkap Bothum CDF-KKG Sinah Ai Ap

Kawl ralkap bawi pakhat CDF KKG sinah ai ap. Kawl ralkap bothum bak a simi CDF KKG sinah ai ap ko hih.

Bokyi Aung Tu Win cu Kawl ralhrang he hmunkhat ah riantuan a huam ti lo ruang ah meithal hriamnam tling he bak CDF KKG sinah ai ap tiah CDF KKG nih an langhter.

Ralbawi bothum pipi hna an van i ap ahhin cun Kawl ralhrang pawl hi zeitluk in dah an der thawm cang timi cu a lang ko. Ralhrang pawl anmah chung lei ah khin zeitluk in dah lungrualnak a um cang. Hnangamnak taktak an ngei kho ti lo, lungrethei taktak in an um cang ti khi a lang ko cang.

CDF KKG cu CNF hruainak tang ah a ummi an si. Kalay Kabaw Chin miphun ralkap an si. Kawlram lei in Chinram lei ah ralhrang a rak kai dingmi a veng tu le Kalay le Kabaw hrawng ummi ralhrang cihmit tu ding an si.

CDF KKG hi an hawi le PDF Kalay le CNDF tibantuk ah Kalay peng le Gankaw peng ah ral an tu peng. Hriamnam le tirawl zong in Chin miphun nih tampi kan bawmh hna a herh mi an si. CNA zong nih an umpi hna. Kahnak fak a chuahnak hmun ah a ummi an si. Phundang kan chim ahcun ralram bak ah a ummi an si. Kalay peng le Gankaw peng cu kahnak a fah taktak nak hmun a si.

Ralhrang nih uknak an lak hnu ahhin Kawl talhrang hi an bawi le pawl tel in minung 2000 leng an zam cang. Hriamtlai sinah an i ap cang. Zam a duh mi tampi an um rih hna. Sinain an nupi le fale ruang ah cheukhat ralkap cu an zam kho lo tiah theih a si. An nupi le fale kha sakhan ah an erh hna ruang ah an zam kho lo. An pasal le an zam ahcun an nupi le fa le nih an tuar ding khi a si.

Be the first to comment

Leave a Reply

Your email address will not be published.


*