Dr. Sasa Bantuk Mino Hi Kawlram Ah An Tampi Loh Tihi Thei Usih

Dr. Sasa hi Chinmi chung lawng si loin Kawlram mino ahcun pa za timi a si. A tuanbia le a sining vialte theih dih a si ko.

Enngland siangpahrang nih a chungkhar bantuk ah an chiah mi Kawlram mi ho dah a um bal lo. England siangpahrang inn chung ah mah inn um bak in a um kho mi Kawlram chung ah a ho dah a um bal lo. Enland ram hna hi vawlei cung ah ramrum le ramthawng an si. Vawlei ram vialte nih upat mi le tihzah mi ram an si. Cu ahcun an siangpahrang hi an tihzah bikmi a si fawn. Cu inn chung ah mah inn bantuk in a tlong leng mi hi Kawlram chung ah Dr. Sasa lawng a si lai.

England khuapi Lodon ah khin riantuan in phaisa tampi a ngei kho ko. Nuam taktak in a duhnak ram poh ah a um kho ko. Sinain Chinram le Chin miphun a kan dawt tuk ruang ah ramri tiva kam ah ngandamnak riantuan in kum tampi a um. A mah thawng in minung tampi nih damnak an hmun. Minung tampi nih khuate sibawi an tuan kho. Chinram mautam lio ah Chinmi tampi nih ei awk kan hmuh.

Pathian nih a thlacamnak a leh i thluachuah a pek. Ralhrang nih thimnak a dih lo tiin uknak an lak. Uknak rak la hna hlah sehlaw Dr. Sasa kha union minister pakhat khat a si lai i Kawlram nihhin thachonak tamtuk kan hmuh lai. A bik in Chinmi nih thanchonak tamtuk kan hmuh lai.

Ralhranh nih uknak an lak bu in NUG nih union Minister ah an thim. NUG hmang in ramdang a hawi le he Kawlram caah biatak tein an cawlcang. UN pi nih a theih mi pakhat a si. Asian ram mino vialte nih an tihzah mi pakhat a si.

Dr. Sasa cu Mino te lawng a si rih. Ram le miphun caah kum tamtuk riantuan kho dingmi a si. Pathian ai bochan mi, a dik felmi pakhat a si. Mah bantuk hruaitu kan ngeih i kan van a tha tuk ti ding a si. Dr. Sasa tluk hi Kawlram mino ah an tampi loh tihi theih cang usih.

Be the first to comment

Leave a Reply

Your email address will not be published.


*