Chinmi Nih Ral Ngan Pathum Kan Ngei Hna

Tulio Chinmi nih ral ngan pathum kan ngei hna. Chinmi nih kah ding phu thum kan ngei hna. Cu hna cu Min Aung Hlaing, ZRA le PLA hna hi an si. Chinmi kan ral ngan taktak an si hna.

A pakhatnak ah Min Aung Hlaing hi a si. Kawlram uknak hramhram in a la tu Chinmi minung tamtuk a kan that cang tu le kan inn lo thilri vialte a firtu kha a si. A mah bawi tuan a duh ruang ah mimung tamtuk kan nunnak a liam cang. Mimung tamtuk hliam kan tuar cang. Kan chawva zong tamtuk a dih cang.

Chin ramkulh ah Chinmi thattu ding ralhrang a tomtom in a van thlah tawn hna. Voikhat rat ah ralhrang 500 leng hna a van kuat hna. Helicopter le Jet fighter bak in a kan kah i a kan phomh. Kan inn lo vialte mei in a khangh dih. A mah ruang ah Chinmi tamtuk ralzam dirhmun kan phan cang. A mah thahnak ding ah Chinmi nih kan chawva tamtuk zong kan dih cang. Kan tei hlan lo kan doh dingmi a si.

Pahnihnak ah ZRA hi an si. Anmah cu Chin ramkulh in a chuak mi zong an si lo. India ram Manipur in a chuak mi hriamtlai phu an si. Manipur ram ah a ummi Peihte miphun kilvennak caah an rak dirh mi phu a si. India ramchung ah a ummi an si. A sinain a tu cu Min Aung Hlaing nih uknak a van lak in Min Aung Hlaing lei ah an tang i kan Chin ralkap pawl an kah cang hna. PDF Zoland sakhan zong an kah cang. Voihnih an sakhan an lak piak cang hna. CNA he zong an i kap cang. Tainge le Hiangzing kar kahnak zong ah ZRA an i tel. Nizan Rih Khawdar kahnak zong ah ZRA an i tel fawn. Anmah pawl hi an cihmih hmasa an hau.

Pathumnak ah PLA an si. Anmah cu Kahte tapung timi kha an si. Chin ramkulh chak lei Tonzang peng le Manipur ramri ah khin an um. Tonzang peng ah bing an cing i sipuazi an tuah. Kan hnu ah CNA he zong an i kap i CNA lei in kan ralkap pakhat zong a nunnak a liam. Chinram chung thawl an hau. Min Aung Hlaing nih a hman vemi hna an si.