Chin Ramkulh Khuate Sianginn Tampi Ah Chin Flag An Thlai Cang Hna

Chin ramkulh sianginn cheukhat ah Chin flag an thlai ve cang hna. CNA le CDF uknak Chin ramkulh khuate tampi ah Chin flag an thlai ve cang hna. Kan ram cu covid ruang ah kum khat bak sianginn kai lo in um hnu ah ralhrang nih uknak an hun lak than i sianginn kai khawh a si ti lo. Kawlram ah kan fale sianginn kai loin kum tampi um ding cu a si kho ti lo.

Cu ruang ah Chinmi kan pa le hna nih CNA le CDF nih an uknak hmun poh ahcun sianginn on ding in timhtuah a si cang i khuate tampi ah sianginn zong an on cang hna. Sianginn kaimi ngakchia zong tampi an um cang hna.

Sianginn cachim tu saya sayamah te hi pumpek deuh in a tuanmi an si hna caah upat awk an tlak taktak. Kan nau le fimnak cawng loin kum tampi an um cang i tu hnu van um rih ding an ruah khawh lo caah miphun dawtnak he pumpek in ca an chimh mi hna hi a si.

Chin ramkulh chung ah Kawlram flag ralhrang flag thlai ti loin Chin miphun kan flag tang ah sianginn kan on i kan ram hla kan sak khawh cu lung a hmui taktak khi a si cang. Chin ramkulh khaute tampi ah sianginn cachim tu saya rian a rak tuan cangmi hna zong nih pumpek te in nanmah le nan khau nan tlang cio ah thazang chuah kho cio ulaw a tha tuk hnga.

Kan fa kan nau le kum tamtuk sianginn kai loin um ding cu a si kho bak ti lo. Kan fa le an rawk dih lai. Sianginn a kai lomi ngakchia cu an lungput a thangcho kho lo. Cu caah sianginn kai cu ngakchia caah a herh bak mi a si.

Be the first to comment

Leave a Reply

Your email address will not be published.


*