Chin Ramkulh Cu Ralhrang Nih Vanlong Cung In Zuan Hnawh Mi Tiang Kan Phan Cang

Chin miphun cu ralhrang nih Helicopter cung in zuan hnawh mi tiang dirhmun kan phan cang. Min Aung Hlaing nih ral a tuknak ahhin Chin ramkulh cu ai harh bak cang timi cu a fiang ko cang. A ruang cu Helicopter cung bak in ralhrang nih an van tum hnawh i an van zuan hnawh mi ah kan um cang.

Trdim peng ah a ummi Canady tlang ahhin Kawl ralhrang ralkap sakhan pakhat a um. Cu sakhan cu a pical ngaimi ralhrang sakhan a si. Cu sakhan cu Chin ralkap bu pawl nih thla thum leng chung an kulh cang i ralhrang pawl cu leng zong ah an chuak kho ti lo.

Ralhrang pawl nih ti an than tawnnak tikhur zong hung tum ti an than kho ti lo. Rawl zong an chan kho ti hna lo. Helicopter nih ti rawl a thlak tawn hna ti a si. Cu thlang ah a ummi ralhrang cu an tum kho ti lo. Tlang ah va kai in ding in Kalay lei in ralhrang pawl zong an kal nain Chin ralkap pawl nih an rak kah peng hna caah an kal kho hlei lo. Ralhrang pawl vansang in an um cang hna.

Cu ruang ah kan hnu ah khan Canady tlang ahcun Kawl ralhrang pawl cu helicopter cung in an zuang hna. Canady sakhan ah tum ding in an zuang hna i an zuan lio ah ralhrang pakhat cu a plasatic ai samh khawh lo caah hor ah a tla i a thi tiah CDF lei nih an chim.

Chin ramkulh chung ah raltuk hi Min Aung Hlaing nih ai harh bak ko cang ti a lang. Ke ralkap hin thazang an i chap kho ti lo. Thazang chap an i timh si le ralkap Motor 80 leng le ralkap 500 leng in voikhat kal ah an kawl tawn. CNA le CDF nih an kah tawn hna i zeimawzat an thah tawn hna.

Be the first to comment

Leave a Reply

Your email address will not be published.


*