Chin ramkulh ah SAC nih vanlawng a hmanmi cungah ICNCC nih sualphawtnak a tuah

Chin ramkulh ah SAC nih vanlawng a hmanmi cungah ICNCC nih sualphawtnak a tuah

Mindat peng, khuate cheukhat ah SAC nih vanlong in kahdohnak a tuahmi cungah (ICNCC) nih fak piin sualphawtnak le duhlonak a langhter.

Mindat peng ah a ummi Chet le Suntaung khuate hna ah SAC ralkap nih July 2 ah vanlong in bom a thlak caah mipi minung 3 an thi i mipi tampi nih hliam an tuarnak le thilsining cungah atu bantuk in ICNCC nih duhlonak cathanh a chuah hi a si.

Chin miphun hna umnak khuate ah vanlong in kahdohnak a tuah hi SAC nih Chin mipun cungah raltuknak lei sualnak nganpi a buarmi a si tiah a langhter.

Chin ramkulh telh in, tlangcung miphun le nelrawn mipi hna sin ah atu bantuk in vanlong hmang le thazang tampi in kahdohnak a tuah ruangah ṭhatnak zeihmanh a chuahpi lai lo i SAC cungah tlangcung miphun hna huatnak tu a karhter chin lai tiah ICNCC nih a thanh.

Be the first to comment

Leave a Reply

Your email address will not be published.


*