Chin Rakulh Ralhrang Nih Hmun Thum In An Kan Fuh Than

Kawl ralhrang nih Chinram lam pathum in an kan fuh than cang. Lungrual in doh an herh lio can a si.

Kawl ralhranh nih Chin ramkulh chung ah fak deuh in nawlngeih le tam deuh in uk an kan duh ruang ah a tu hi lam pathum bak in an kan fuh than cang i kahnak a chuak len cang.

Kalay in Tedin peng ah ralhrang an lut. Kalay University ah Tedim lei kal ding in ralhrang pawl timhtuahnak an ngei rih. Nihin Janaury 15,2022 zong Tedim peng Haingzing khua pawng ah Kawl ralhrang le Chin ralkap kar ah kahnak a chuak i Kawl ralhrang a thimi le hliamtuar an tam tiah theih a si.

Kawl ralhrang lei in a thimi le hliamtuar an tam ruang ah chun sml 12:00 hrawng ah le zanlei sml 2:00 hrawng tiin Jet fighter voihnih a ra i Chin ralkap umnak lei ah bomb a thlak ti a si. Kalay le Tedim kar Motor lampi cu ho hmanh kal rih lo ding PDF Zoland nih thawng an thanh.

Cu lawng si loin Falam peng ah ralhrang nih an thazang an chap than. Kalay peng lei in kan hnu ah khan ralhrang 200 hrawng Falam peng ah an lut. Waibulah khua pawng ah ralhrang le CNDF kar ah kahnak a rak chuak i ralhrang 15 hrawng an rak thi.

Kalay le Falam kar Motor lampi ah ralhrang pawl an um rih le kahnak fak a chuah rih khomi dirhmun a si caah Kalay le Falam kar ho hmanh khualtlawn rih lo ding in CNDF nih thawng an thanh.

Cu lawng loin Matupi le Mindat kar zong ah ralhrang Motor tampi le tank pahnih an um. CDF le CNA nih lampi ah an bawh ko hna. Ralhrang pawl an kal kho rih lo, lampi ah an i tap rih ko.

Mahhi ralhrang pawl hi Magwe lei in Mindat ah a rak lutmi an si. Mindat ah zankhat an riak i Matupi lei ah an lan. Lampi ah CDF le CNA nih an kham hna i an um hi a si.

Be the first to comment

Leave a Reply

Your email address will not be published.


*