Breaking News: Tedim peng i kahnak ah Kawl ralhrang 7 an nunnak a liam. Chin ramkulh Tedim peng ah Kawl uico ralhrang le Chin miphun ralkap kar i kahnak ah Kawl ralhrang minung 7 leng an nunnak a liam tiah theih a si.
Nihin January 13,2022 ah khan Tedim peng Tezang khua ah Kawl ralhrang le Chin miphun ralkap kar ah kahnak fak a chuak. Kawl ralhrang lei in minung 7 an nunnak a liam i hliamtuar mi zong tampi an um hna. Kawl ralhrang pawl cu a tu hi Tange khua pawng ah minung 100 hrawng hmun an khuar rih ko hna caah mipi lei nih Kalay le Tedim lampi ah khualtlawn lo ding in ralrin peknak zong an tuah tiah theih a si.
Chin ramkulh ah kahnak fak a chuak tha. Tedim le Tonzang peng ah kahnak a chuak. Kalay in Tedim peng lei ah ralhrang nih thazang an chap cuahmah hna. Falam peng lei zong ah kahnak a chuak rih. Falam peng Waiblah khua pawng ah kan hnu ah khan Kawl ralhrang le CNDF kar ah kahnak fak a chuak i Kawl ralhrang lei in minung 15 tluk an nunnak a rak liam cang. Tampi hliam an tuar rih. CNDF nih bomb an chiah mi ralhrang pawl a puah hnawh hna i tampi hliam an tuar tiah theih a si.
Cu lawng si loin Matupi peng lei zong ah kahnak a chuak. Khuami minung 10 zong kan hnu lei ah khan Kawl ralhrang nih fak tuk in an thah hna i an ruak an rak hlonh hna.
Mindat le Matupi kar ah ralhrang Motor 90 leng le raltuknak Tank pahnih cu an um i hmun an khuar. Mindat CDF nih lampi ah an kah lengmang hna. Ni tam ngai an i kap cang. Kawl ralhrang lei in nunnak a liammi an tam cang. Kawl ralhrang lei nih Matupi peng ah lampi ah bomb an phum hna ti a si. Bomb an phum mi zong CDF nih an hmuh.
Leave a Reply